كدشة سمك وتراس رومانسي عالبحر ناطركن بهل-مطعم

ما بتكمل الصيفية من دون مشوار على البترون! المدينة اللي بتجذب المحليين والسياح بالشط الحلو، ومنظر غروب الشمس، والأسواق القديمة. اليوم قررنا نروح كزدروة على البترون ونخبركن عن مكان مميز فتح جديد هالصيفية بالمنطقة. تعرفوا معنا على مطعم A La Playa، مطعم نايم على البحر وعندو كدشة سمك غير شكل.

مطعم A La Playa جار البحر والموجات، بيتميز بقعدة رومانسية من الأحلام بتحسسّكن كأنكن سافرتوا برات لبنان. هالمطعم عندو قعدة تراس بتطل على منظر البحر والجبل، بتذكركن ببحيرة كومو الشهيرة بإيطاليا وكل رومانسيتها، وقعدتها بين الورد ونسمات الهوا اللطيفة.

بتنبسطوا بغدا أو عشا رومانسي مع الشريك بواحد من أجمل المطاعم اللي فتحت بالبترون، لقمة طيبة ومشوار من العمر هالصيفية!

إذا انتو من محبي السمك، لازم تجربوا هالمطرح. مطعم A La Playa بيقدم منيو مأكولات بحرية غير شكل، متل الاخطبوط المشوي، وفتة القريدس، والكاليماري المشوي. وكلو مقدم على سفرة غنية وكريمة بتمد على نظركن.

بيقدم طبق سمك بزري غير شكل مع لقمة حمص وفتوش طيبة. وبيعمل سمك فريدي النيّ بكل شطارة لكل محبي الأكل البحري النيّ. بيتفنن بالمازة اللبنانية والمازة البحرية والتقديم عندو للأكل غير شكل.

وكمان بتلاقوا عند مطعم A La Playa منظر لغروب الشمس بيسحركن، من أجمل المطارح بالبترون لتتفرجوا على غروب الشمس مع كاس نبيد.

للمزيد من المعلومات، اتصلوا على 150 117 03.

شوفوا كمان، أجمل ٥ أوتيلات موجودة بالجبل بلبنان