٨ محلات سناك بالضاحية ضروري تجربوها

عبالكن سناك طيب ومحرز أو عزيمة غير شكل مع رفقاتكن على وجبات بتشهي؟ مشوا معنا ناخدكن على 8 محلات سناك بالضاحية ضروري تجربوها.

1. سناك حسّون

في كتير خبار طيبة تجربوها عند سناك حسّون وهالمحل من أطيب محلات سناك بالضاحية. إذا انتو من محبي البرغر، لازم تجربوا التشيكن برغر المقرمش، لقمة محرزة وطيبة. وكمان عندن سندويشات كلاسيكية متل الطاووق والفاهيتا والفرانسيسكو. 

الرقم: 654 271 01

2. Famous Snack

مطعم سناك فتح جديد بالضاحية، وعندو وجبات طيبة وأسعار معقولة. بتلاقوا كل شي من السندويشات الطيبة  للبرغر الدسم وكل الوجبات السريعة، وعندن أصناف جديدة بالأكل.

الرقم: 903 316 70

3. Shawarma Ways

لكل محبي الشاورما، لازم تجربوا شاورما واي، سناك بالضاحية غير شكل! بيتميز عن غيره انو بيعمل الشاورما بطرق متنوعة، ومن أطيبها الشاورما بالفخار!

الرقم: 333 948 70 – 040 274 01

4. Mr. Truck

بتعشقوا أكل الشارع؟ بتلاقوا بقلب الضاحية فود تراك Food truck غير شكل بيعمل سناك بيجنن على أوتوستراد هادي نصر الله وكمان ببرج البراجنة. ومش بس بتلاقوا وجبات لجوع آخر الليل، بس كمان سندويشات طيبة على الترويقة. 

الرقم: 594 024 03 – 480 078 81

5. Junkies

مطعم Junkies خص نص لكل حدن بيحب بطنو وعبالو شي سناك بالضاحية محرز وطيب. هالمطعم بيقدم أطيب الوجبات السريعة، السندويشات والبرغر الدسم، وخصوصي عندو سماشي برغر منظره بيشق القلب!

الرقم: 767 555 71 – 746 555 71

6. كرواسون الضحى

في حدا بعد ما سمع بكرواسون الشاورما من عند كرواسون الضحى؟ حتى بتلاقوا عندن كرواسون الفاهيتا والبيتزا وكل الإختراعات الطيبة والجديدة لمحبي التجربة والأكل. والحلو انو عندو كذا فرع بالضاحية!

الرقم: 355 750 81 – 926 808 76

7. Food Bae

محل  Food Bae محل سناك بالضاحية خص نص لعزيمة مميزة وغير شكل مع الرفقة. مطعم مميز لتتشاركوا الأكل الطيب وتجربوا الوجبات الدسمة.

الرقم: 087 827 81 – 520 207 70

وما تنسوا العزيمة بالتعليقات، تاغ صاحبكن بالأكل!

شوفوا كمان، أطيب محلات اللحم بعجين ببيروت