أطيب ٨ أكلات شاورما مميزة بلبنان

أكلة الشاورما أحب أكلة على قلوبنا واحلى عزيمة بتكون على سندويشة الشاورما. لكل محبي الشاورما بكل أصنافها، خلونا نعرفكن على 8 أكلات شاورما مميزة تجربوها بلبنان!

1. شاورما على الطريقة التركية من عند أبو عود

عبالكن الشاورما على الطريقة التركية، سندويشة دسمة ومحشية باللحمة الطرية؟ وكمان في منها على دجاج، مع صوص غير شكل.

الرقم: 203 888 81 – 201 888 81

2. شاروما برغر من عند لفة شاروما

صار فيكن تجربوا برغر مع الشاورما بنفس الوقت عند هالمحل بالبترون! عندن البرغر مليانة، بتلاقوا الشاورما على دجاج أو لحمة، مع سلطات طيبة وبطاطا مقلية مقرمشة.

الرقم: 440 740 06

3. صفيحة الشاورما من عند Café Badaro

مين عبالو صفيحة على شاورما؟ لكل محبي الصفيحة، ميلوا عند كافيه بدارو ودوقوا أطيب صفيحة شاورما، كانت دجاج أما لحمة، بتطلع محمصة غير شكل وغنية بالطعمة.

الرقم: 674 602 03

4. برج الشاورما من عند Tiger’s Diner

إذا ضاربكن الجوع على المزبوط، لازم تجربوا برج كامل معرّم لفوق بالشاورما المغمسة بالصوص عند تايغر بالحازمية. وجبة محرزة وكتير طيبة!

الرقم: 687 287 01

5. بيتزا الشاورما من عند Abul3ezz Street Food

إذا بتحبوا الشاورما والبيتزا، صار فيكن تجربوا بيتزا على الشاورما من عند أبو العز. وهي عبارة عن خبزة محمصة، مع طبقة الشاورما دجاج متبلة على المزبوط وبطاطا مقلية. بتلاقوا المطعم بالدكوانة وجونية.

الرقم: 877 513 01 – 161 117 81

6. كرواسون الشاورما من عند الضحى

شي مرة مجربين كرواسون على الشاورما؟ إختراع فريد بالأكل، وإختصاص كرواسون الضحى بالضاحية!

الرقم: 355 750 81

7.فتة الشاورما من عند أبو صبحي

مين فينا ما بيحب الفتة؟ ويا لطيف إذا كانت على شاورما! هالأكلة المميزة بتلاقوها تحديداً عند مطعم شاورما صبحي الشهير بطرابلس واللي فتح جديد بجل الديب.

الرقم: 720 433 06 – 646 500 76

8. كبسة ومنسف شاورما من عند Shawarma Ways

أطيب عزيمة رح بتكون على كبسة شاورما دجاج أو منسف شاورما لحمة، عم تتخايلوا أيده بتطلع طيبة؟ أكلة من العمر بتلاقوها عند مطعم شاورما واي، وكمان بيعمل الشاورما بفخار.

الرقم: 333 948 01 – 040 274 01

شوفوا كمان، ٥ محلات سندويشات دجاج ع الفحم غير شكل