١٠ محلات عم بقدموا أكل صيامي بلبنان!

صايمين وبدكن تاكلوا أكل صيامي طيب؟ ما تعتلوا هم، جمعنالكن ١٠ محلات عم بقدموا مينو صيامي غير شكل طيلة فترة الصيام.

١. وويدين بايكري، كل الفروع

نزل عندن المنيو الصيامي: بوشيات زعتر وسلق، فطاير بسبانغ، بطاطا مقلية، كبة لقطين، سالاد كراب مع باستا، سالاد تونا مع باستا، فلالفل بالعجين وكراب وتونا وقصص غير كتير طيبة.

الرقم: 680 444 04

٢. بو ملحم، سن الفيل

عامل menu صيامي بيتألف من خضرا مشكلة، قرنبيط وفلافل، تبولة، كبة لقطين، سلطات على أنواعها، هندبة وقصص طيبة كتير.

الرقم: 666 497 76

٣. كبابجي، كل الفروع

عندو سندويشات قاطعين عن اللحمة متل سندويش القرنبيط وسندويش البتنجان المقلي وسندويش الورق عنب وسندويش بطاطا مشوية وصحن قرنبيط وبتنجان وصحون منوعة على كيف كيفكن.

الرقم: 1590

٤. ميني بي، الدكوانة

مينو الصيامي بيتضمن كالامار، كالامار بالعجين، تونا بالعجين، كراب ديو وغيرن من الأطباق والسندويشات المعمولة بالسمك وبتشبع منيح.

الرقم: 555 491 01

٥. ليلى من لبنان، كل الفروع

نزل مينو الصيامي: ورق عنب، كبة لقطين، مجدرة، فاصوليا، سلطات وقصص طيبة غير بستلحلوها بس تكونوا صايمين.

الرقم: 517 371 01

٦. دار بيروت، الجميزة

قواطع الدار عبارة عن أكتر من 20 صنف وصنف متل الحمص والمجدرة والبابا غنوج وغيرن وغيراتن مع بطاطا وسلطات.

الرقم: 888 571 01

٧. مطعم الحلبي، أنطلياس

هالمحل محضرلكن تشكيلة قواطع شهية متل البليلة، كبة اللقطين، الصيادية، محشي سلق، ضلوع سلق، مسقعة بتنجان وغيرن كتير.

الرقم: 555 523 70

٨. رصيفنا، جونية

نزل مينو الصيام وعندو أطباق منوعة متل التبولة، الفلافل، الحمص، الورق عنب، البطاطا عكزبرة وغيرن كتير.

الرقم: 400 777 76

٩. فلالفل أبو أندريه

جديد أبو أندريه كومبو الصيام يلي هوي عبارة عن فلالفل وطرطور وفول وحمص وفتة بطحينة مع صحن خضرا معرم. وعندن كومبو تاني في بقلبو أكلة المسبّحة، الفول، نص دزينة فلافل مع طرطور وجاط خضرة.

العنوان: جونية، أنطلياس، جبيل
الرقم: 414 819 71

١٠. دجاج سلامة، جبيل

مينو الصيام بيتضمن كبة لقطين، كبة قريدس، كبة سمك، محشي ورق سلق، محشي ورق ملفوف، فاصوليا بيضا عريضة، بطاطا مهروسة بخضرا، مقالي مشكلة، فيله سمك، فاهيتا سمك، اسكالوب سمك وغيرن كتير من الأطباق الصيامية المميزة.

الرقم: 195 547 09

شوفوا كمان، ٩ أكلات شعبية مناكلها بس يبلش الصيام!