لأول مرة بلبنان: مطعم بخليكن تعيشوا تجربة المنقل التركي

عم تحملوا بسفرة على اسطنبول هالصيفية؟ أو بتجربة طعام تركية أصيلة من دون ما تسافروا على تركيا؟

هلق، صار حلمكن حقيقة مع مطعم منغل Mangal Restaurant، الوجهة الجديدة بلبنان لي رح تنقلكن لقلب المطبخ التركي العريق!

تجربة فريدة من نوعها على منقل خاص فيكن:

لأول مرة للبنان، بقدملكن مطعم منغل تجربة فريدة من نوعها لتناول اللحمة، رح يكون فيكن تشوا اللحمة بنفسكن على منقل خاص فيكن موجود على كل طاولة.

رح تلاقوا بمطعم منغل تشكيلة واسعة من اللحوم الطازة بأنواعها المختلفة، معروضة قدامكن بقلب براد ضخم. اختاروا اللحمة يلي عبالكن، ورجعوا قعدوا على طاولتكن الخاصة، واستمتعوا بتجربة شوي اللحمة بإيديكن على الفحم المعمول من قشر البندق ليضاين أكتر ولضمان نكهة مميزة. إسم المطعم منغل وبيعني منقل بالتركي وبيبعد نص ساعة عن بيروت، بس أكيد المشوار حرزان.

تعتبر كل طاولة عندن بمثابة مساحة تفاعلية، لأن رح فيكن تجتمعوا مع عيلتكن وأصحابكن حول المنقل، وتتبادلوا الأحاديث وتسولفوا وتتسلوا إنتو وعم تشوا اللحمة وتستمتعوا بطعمة اللحمة الطازة. فيكن تنقوا تكون لحمتكن مع لية أو بلا لية مع بصل أو بلا بصل.

ما تنسوا توثقوا هيدي التجربة الفريدة بالصور، لأن رح تعيشوا مع عيلتكن لحظات ما بتتكرر!

هالمحل عندو كل أنواع المازة اللبنانية بين ورق عنب وحمص وفتوش وتبولة وغيرن من المأكولات اللذيذة، عدا عن اللحمة يلي بتختاروها وبتشووها على إيدكن.

على فكرة بيضمن المطعم توفير بيئة مريحة لضيوفو، لهيك تم تجهيزو بشفاطات قوية لكل طاولة بتضمن عدم انبعاث أي روايح مزعجة وقت الشوي. ما بتحسوا لا بصوت ولا بريحة.

عندن كمان تحلاية لذيذة خاصة بالمحل يلي هي البوظة مع غزل البنات بس تخلصوا أكل… شي بشهي على القلب وبيفتح النفس.

وأكيد كل لقمة بتاكلوها على ألحان الطرب الأصيل. خبرونا مع مين بتعيشوا هالتجربة الفريدة؟

العنوان: سوق الغرب، عاليه
للحجز: 528 272 05

شوفوا كمان، معمول مد بقشطا مع شوكولا بلجيكي عند محل واحد ببيروت.