الزوجة ضد العشيقة عالهوا… وموجة انتقادات ضد قناة الجديد

البرامج الترفيهية فقدت كل معنى بالإعلام اللبناني، خاصة بعد ما قناة الجديد نزلت برومو لحلقة جديدة من بودكاست #حكي_social، وبتجمع فيها الزوجة و العشيقة وجهاً لوجه.

الجديد نزلت برومو للحلقة اللي رح تنعرض الليلة الساعة 7، وبيظهر فيه نقاش حامي بين الزوجة وعشيقة زوجها. فيكن تشوفوا الإعلان هون:

بالبرومو، السيدات بيظهروا وهني عم يتخانقوا، ولميا (الزوجة) عم تهاجم دانيا (العشيقة) وبتقول: “بنت الليل أشرف من العشيقة”. دانيا بترد وبتقول: “عم يرجع ع بيتو معبّى إنرجي(طاقة) ليرجع يتحمل نكدك”.

هيدي بعض التعليقات ع البرنامج:

هالنوع من المحتوى الاستفزازي صار شي عادي عند المحطات التلفزيونية بس لتجيب تفاعل ومشاهدات. وبدل ما يقدّموا شي مفيد أو عميق، بيركّزوا عالدراما الشخصية والمشاكل يلي بتجيب تعليقات ولايكات.

هالنوع من المشاهد الاستعراضية غالباً بيكون على حساب المرأة، وبيحوّل تجاربها لدراما سطحية وتافهة. الحلقة ما عم تقدّم شي جديد، بس عم تعيد نفس المعادلة البايخة: نساء ضد بعض كرمال التفاعل والمشاهدات.

هيدي مش أول مرة بتثير فيها قناة الجديد الجدل من خلال برامجها. فعلياً، تعرّضت لهجوم كبير أول هالسنة بسبب برنامج Mini Mafia، يلي كان بيظهر أطفال لبنانيين عم يناقشوا مواضيع طائفية.

يعني للأسف، الجديد ما عندها تاريخ يذكر لما يتعلق ببرامج ترفيهية بتحمل شوية مضمون أو قيمة فعلية.

شوفوا كمان، زواج مدني مؤقت؟ نائب لبناني يقترح عقد زواج لـ5 سنين قابل للتجديد!