Street Festival: أكتر من 300 ألف زائر بأول 10 مهرجانات… والمشوار مكمل بـ13 مهرجان لاخر السنة

من لما انطلق Street Festival بـ 2021، قدر بسرعة يصير أهمّ وأكبر المهرجانات بلبنان. من خمس سنين لليوم، المهرجان انتشر بشكل واسع ولف كل لبنان، وما بقي مدينة أو ضيعة ما دقّ بابها وخلق فيها جوّ فرح وحياة وذكريات حلوة.

هدف Street Festival كان واضح من الأول: يرجّع الحياة للبنان، مش بس بالمناطق المعروفة، إنما كمان بالضيع البعيدة يلي اشتاقت لجو الاحتفال. كيف؟ بيختاروا شارع رئيسي، بيسكرو، وبيحولوه لمساحة مليانة حياة، موسيقى، ضحك، ونشاطات بتجمع كل الأعمار. والأجمل إنو الدخولية دايمًا مجانية، لأنو هيدا مهرجان للكل.

شو ناطركن بمهرجانات Street Festival؟

ساحة أكل كبيرة فيها كيوسكات بتقدّم نكهات لبنانية وعالمية عم تتحضّر قدامكن، وسوق حيوي فيه أشغال يدوية، قطع ترندي، هدايا، واختراعات من شباب وصبايا من كل لبنان. وللولاد، في منطقة ألعاب مخصصة إلهن فيها سينما، ألعاب نفخ، رسم، ونشاطات ترفيهية آمنة بالهوا الطلق.

كل يوم في عرض جديد! من رقص وعروض مسرحية وسحر، لفرق موسيقية ومغنّيين بيحيوا السهرات بأجواء شرقية وغربية بتناسب الكل.

مهرجان Street Festival مجاني وللعيلة كلها!

لليوم، Street Festival زار أكتر من 77 منطقة بلبنان، من جونية لبيروت، من صور للقرعون، من دير القمر لأنفه… المهرجان صار بكل مطرح، ودايمًا بنفس الروح: مجاني، مفتوح للك، وبيخلق فرص للمشاريع المحلية، وذكريات حلوة لكل العيلة من دون تكلفة.

شو هني مهرجانات آب؟

1. مهرجان فالوغة

📅 من 31 تموز لـ 3 آب

📍فالوغة
🎟️ الدخول مجاني

2. مهرجان بشري

📅 من 8 آب لـ 10 آب

📍بشري

🎟️ الدخول مجاني

3. مهرجان بحيرة القرعون

📅 من 8 آب لـ 10 آب

📍بحيرة القرعون، البقاع الغربي

🎟️ الدخول مجاني

4. مهرجان العربانية لعيد السيدة

📅 من 8 آب لـ 10 آب

📍العربانية، بعبدا

🎟️ الدخول مجاني

5. مهرجان ميروبا

📅 من 15 آب لـ 17 آب

📍ميروبا، كسروان

🎟️ الدخول مجاني

6. مهرجان عين سعادة

📅 من 22 آب لـ 24 آب

📍عين سعادة

🎟️ الدخول مجاني

7. مهرجان تنورين

📅 من 22 آب لـ 24 آب

📍تنورين

🎟️ الدخول مجاني

تابعوهن على إنستغرام هون لتبقوا على اطلاع على كل المهرجانات والفعاليات… وخليكن عطول مستعدين للفرح!

8. مهرجان برمانا

📅 من 29 آب لـ 31 آب
📍برمانا
🎟️ الدخول مجاني

9. مهرجان لحفد

📅 من 28 آب لـ 30 آب
📍لحفد
🎟️ الدخول مجاني

شوفوا كمان، 40+ حفلة ناطرتكن بلبنان خلال آب 2025