من برشلونة لبيروت…مطعم Albé المشهور جاية ع صيفي!

عم تفتّشوا ع مطرح جديد تزيدوه ع ليستة ضهراتكن ببيروت؟ Albé مطعم لبناني–كتلوني بيجمع نكهات مميزة، وترك بصمتو بشوارع برشلونة من وقت ما فتح أبوابو بـ2020.

هون شو لازم تتوقعوا من افتتاحه بصيفي: فكرة المطعم، أبرز أطباقه، و التجربة يلي بيوعدكن فيها.

شو هو “Albé”؟

Albé هو غاستروبار مستوحى من الطبخ اللبناني، أسّسه الشيف اللبناني جوي عطية ببرشلونة. المطعم بيمزج مكونات كتالونية مع أسلوب المطبخ اللبناني، ليخلق أطباق تقليدية بلمسة عصرية وجديدة.

اسم Albé يعني “قلبي” باللبناني، وبيعكس فلسفة المطعم المبنية على الطبخ من القلب لكل الضيوف. المنيو بيركّز على مكونات موسمية ومحلية، وبيخلي المكان مثالي لغدا شيك أو عشا حميمي.

بعد نجاحه ببرشلونة، هلق Albé جايي ع بيروت ليقدّم تجربة أكل بتحسّوها قريبة ع قلبكن ومألوفة، وبنفس الوقت مبتكرة بتميزه عن غيرو.

الأسعار

الأسعار الرسمية لفرع بيروت ما تم الإعلان عنها بعد، بس هيدي فكرة عن كيف الأسعار بفرع برشلونة:

🥗 مقبلات: بين 5.5 و18$ – مثالية للمشاركة
🍲 Bites والأطباق الرئيسية: بين 7 و31$، حسب المكونات (من مأكولات بحرية للحوم مميزة)
🥩 أطباق خاصة: بتوصل لحد 31$ للأطباق الpremium
🍮 حلويات: بين 8 و10$

💰 المعدل للشخص: حوالي 40–60$، حسب كمية الأطباق والمشروبات

بشكل عام، Albe بيقدم خيارات متنوعة من المتوسطة للبريميوم، سواء بدكن شي خفيف، طبق دسم، أو ديسير طيب.

حبيتوا هالمقال؟ شوفوا كمان:

شو جديد؟ 7 مطارح مميزة فتحت بقلب بيروت

من مطاعم وكافيهات عصرية، لمحلات ومساحات ثقافية…