بوظة ع بطاطا حلوة هالخريف…بس عند إم شريف!

إم شريف ديلي، المحل اللي دايمًا بيبهرنا بابتكاراته الموسمية، رجع يفاجئنا هالخريف بتحلاية ولا أطيب: Sweet Potato Swirl أو بوظة ع بطاطا حلوة! ناعمة، كريمي، وغنية…خلينا نخبركن كلّ شي عن هالتحلاية المميزة! 

الـ Sweet Potato Swirl معمولة من بطاطا حلوة ممزوجة بطريقة بتعطيها ملمس كريمي غني، من دون ما تكون تقيلة. الطعمة متوازنة وحلوة متل ما منحبها، بس مع قرمشة الجوز ع الوجّ.

كل لقمة بتقرّش شوي، بعدين بتدوب، وبعدها بترجع الطعمة الحلوة الناعمة للبطاطا. ومع إنها باردة بس هالنكهة بتذكركن بأيام الشتي، ببيوت الضيعة، وبالحلويات يلي كنا نعملها بالفرن أو ع الدفاية.

وعلى طريقة إم شريف ديلي، اللي دايمًا بياخد الأكلات اللي تربّينا عليها وبيرجع بيقدّمها بستايل خاص فيه، هالمرة كمان قدر يخلق نكهة موسمية عالمية بس بتحسّ إنو لبنانية.

هالسوفت سيرف مش بس لمحبي الآيس كريم… هي لكل اللي بحبّوا نكهات الخريف، وعبالكن شي مختلف عن كل العادي. لازم تلحقوا بوظة ع بطاطا حلوة قبل ما يخلص الموسم! 🧡🍠🍦

شوفوا كمان

تجربة مميزة…مطعم إم شريف جاية ع متحف سرسق!