مطعم جبلي مكنكن فتح جديد بأعالي بسكنتا!
عرفتوا إنو مطعم مكنكن ورومانسي فتح جديد ببيت المشرعة؟ بيقدّم أكل دافي من القلب مع منيو نبيذ مختارة بعناية. Maison L’orée مخبّى بجبال لبنان، وبيعطيكن مهرب دافي من برد الشتا مع أطباق بيتوتية.
Maison L’orée قاعد ببسكنتا، وبيجسّد روح البيت الجبلي اللبناني. مع شاميني دافية ومساحة حميمة، المكان مثالي لعشا هادي، سهرات نبيذ، وجمعات العيلة.
شو في عالمنيو؟
بيقدّموا المطبخ الجبلي بنكهات فرنسية، أكلات ريفية ودافية بتركّز على الصلصات الكريمية، اللحوم المطبوخة ع مهلا، وتتبيلات طازة. من المقبلات: طبق جبنة بري مخبوزة مع كرانبيري ومكسّرات، سبانخ بالكريمة، وترافل فرايز.
الأطباق مستوحاة من مطبخ البسترو الفرنسي الكلاسيكي بس مع أجواء الجبل، مع نبيذ محلي ومكوّنات متل لحم Black Angus و الغنم. في كمان ألواح اللحوم الباردة والأجبان، إضافة لبيتزا وسلطات.
أكلات لازم تجربوها
Maison L’orée بقدملكن الـ Brie Chauff، جبنة بري دافية مع كرانبري مجفف، مكسرات محمصة وعسل لتكون بداية حلوة ومالحة. وطبق Poulet aux Deux Moutardes بقدم دجاج طري مطبوخ بصوص كريمي من خردل ديجون والخردل بالحبوب الكاملة.
ومن أبرز الأطباق Souris d’Agneau: لحم غنم وزنه 500غ مطبوخ ع مهل، طري وبيدوب، ومقدّم مع بطاطا مهروسة.
هيدا المطعم الجبلي لازم تزوره، بيجمع المأكولات الطيبة مع النبيذ والرفقة الحلوة. لمعلومات أكتر، ما تنسوا تشوفوا حسابن على إنستغرام!
خبرونا بالتعليقات، حبيتوا هيدا المطعم الجديد؟
الأكثر قراءة هالشهر
