إذا عبالكن أجواء جزيرة بالبحر… هالمطعم بالعقيبة إلكن!

بالعقيبة، وعلى صخرة بتطلّ مباشرة عالبحر، في مطعم بيحسّسكن كأنكن هربتوا ع جزيرة بالمتوسط. Out Of The Blue بيجمع بين المنظر الساحر، المأكولات البحرية الطازة، وأجواء هادية بتخلّي أي قعدة تجربة بحد ذاتها.

من أوّل ما توصلوا، رح يلفتكن التراس المعلّق فوق الصخرة، مع إطلالة مفتوحة عالبحر، نسمة الهوا، وغروب الشمس يلي بيخلّي القعدة أحلى بكتير.

ورا هالتجربة الشيف ريان أبي شديد، يلي محضّر منيو موسمية بتعتمد على المأكولات البحرية الطازة، مع نكهات مميّزة وتقديم راقي.

إذا أول مرة بتزوروه، في كم طبق لازم تجربوهن. بلّشوا بـ Fresh Tuna Carpaccio إذا بتحبّوا الأطباق الخفيفة والطازة، أو جرّبوا Yellowtail Crudo مع الفستق الحلبي والزعتر البري لنكهة مختلفة. وإذا من عشّاق السي فود الكلاسيكي، السمك المشوي عندن من أبرز الأطباق، ومعه الكاليماري المشوي البسيط والشهي.

وإذا كان موسم القريدس الأحمر المحلي، ما تفوّتوا الفرصة. فيكن تطلبوها ني أو مقلية، والاتنين بيستحقوا التجربة. كمان White Fish Ceviche خيار منعش وخفيف، خاصةً بأيام الصيف المشوبة.

والحلو إنو التجربة ما بتوقف عند الأكل. من المطعم فيكن تنزلوا دغري عالبحر، وفي Sunset Bar لتكمّلوا نهاركن مع مشروب وقت الغروب. الشط بحص، والميّ صافية، يعني فيكن تقضّوا نهار كامل بين السباحة، الغدا، والقعدة عالتراس.

وإذا عندكن مناسبة خاصة، Out Of The Blue كمان بيستضيف فعاليات، Guest Chefs، وPop-Ups خلال الموسم، فكل زيارة إلها طابع مختلف.

إذا عبالكن نهار صيفي هادي، أكل بحر عنجد طازة، وإطلالة بتستحق كل صورة، حطّوا Out Of The Blue بالعقيبة على الليستا هالصيف.

الصور من: Christelle Bürgisser و Rima H Wehbe ع خرائط غوغل.

شوفوا كمان:

عام وببلاش…شط ضبية الرملي رجع من جديد!