الإمارات رح تفتتح مركز فيزا إلكترونية ببيروت الشهر الجايي

إذا عندكن معاملات أو طلبات تأشيرة للإمارات، في خبر جديد ممكن يسهّل عليكن هالعملية. وزارة الخارجية الإماراتية أعلنت عن افتتاح مركز فيزا إلكترونية ببيروت خلال الشهر الجايي، ليقدر المتقدمين من لبنان ع الإمارات يكمّلوا إجراءات طلبات الفيزا من داخل لبنان.

وكيل وزارة الخارجية الإماراتية عمر عبيد الشامسي قال إن افتتاح المركز بيجي ضمن الجهود لتعزيز العلاقات بين لبنان والإمارات، وبيشكّل خطوة جديدة بتعاون البلدين.

المركز رح يسهّل على الموجودين بلبنان متابعة معاملات الفيزا من بيروت، بدل ما يضطروا يكمّلوا بعض الإجراءات من برا لبنان. والهدف هو تخفيف الوقت والجهد وتسهيل خطوات التقديم، مع الالتزام بالشروط المطلوبة من الجهات الإماراتية.

وبحسب الشامسي، هالخطوة كمان بتعكس توجه الإمارات لتطوير الخدمات الحكومية واستخدام الحلول الرقمية لتسهيل المعاملات.

ولحد هلق، ما انكشفت كل تفاصيل المركز، متل موقعه بالتحديد، ساعات العمل، طريقة حجز المواعيد والرسوم. ومن المتوقع الإعلان عن هالمعلومات مع اقتراب موعد الافتتاح.

المركز من المفترض يبلّش باستقبال الطلبات والإجراءات المتعلقة بالفيزا بعد افتتاحه، وفق الأنظمة والشروط المعتمدة من الإمارات.

شو رأيكن بإفتتاح مركز فيزا إلكترونية ع الإمارات بقلب لبنان؟ شوف قسم #أخبار على موقعنا للمزيد.

شوفوا كمان:

Costco وصل ع سبينيس بلبنان – كيف الأسعار وشو رح تلاقوا؟