من بيروت ع باريس: Swiss Butter فتح أول فرع إلو بفرنسا

Swiss Butter، المطعم اللبناني الشهير بطبق الستيك وصوص الزبدة، وصل ع باريس!

الفرع الجديد فتح بـ 13 Rue du Faubourg Montmartre بالحي التاسع بباريس، وهو أول فرع لـ Swiss Butter بفرنسا، والفرع رقم 21 للمطعم حول العالم. وكالعادة، المنيو بتضم الستيك مع البطاطا المقلية وصوص الزبدة الغني والمميز، اللي صار جزء أساسي من تجربة Swiss Butter.

Swiss Butter انطلق من بيروت سنة 2017، ومن وقتها توسّع بلبنان والمنطقة، ووصل كمان ع لندن ومدريد.

أما وصوله لباريس، فبيجي بمحلّه، خاصةً إن الستيك والبطاطا من التركيبات الكلاسيكية بالمطبخ الفرنسي..

من بيروت لباريس، حلو نشوف مطعم لبناني عم يكبّر حضوره ويوصل لمدن جديدة حول العالم.

وأكيد، الفرنسيين رح يكون عندن فرصة يجربوا Swiss Butter، بس منعرف إنو اللبنانيين هونيك رح يكونوا أول ناس!

شوفوا كمان:

Costco وصل ع سبينيس بلبنان – كيف الأسعار وشو رح تلاقوا؟