6 مناطق، 40+ كاتب وفنان و10 أيام من الكتب… Beyrouth Livres راجع!

إذا بتحبّوا تقروا كتب، تلتقوا بباحثين أو كتّاب، أو تتمشّوا بين رفوف الكتب بمعرض، في شي حلو ناطركن هالشهر!

المعهد الفرنسي بلبنان Institut français du Liban وInstitut français du Proche-Orient راجعين السنة مع مهرجان Beyrouth Livres بنسخته الرابعة، وبيتمحور هالسنة حول منطقة البحر المتوسط. من 9 لـ18 تشرين الأول، رح يشارك أكتر من 40 كاتب وفنان من 9 بلدان. وناطركن عشرة أيام من النشاطات الأدبية والثقافية بلبنان

شو ناطركن بمهرجان Beyrouth Livres

المهرجان رح يجمع بين فعاليات متعلقة بالكتب وبرامج فنية متنوعة. يعني توقعوا لقاءات مع الكتّاب، وتواقيع كتب، وجلسات قراءة، وقراءات موسيقية، وورشات عمل، وغيرها كتير.

رح يستضيفوا كمان نشاطات معمولة للصغار، حتى العيل والقراء الشباب يقدروا يشاركوا. ورح يكون في أمسيات ونشاطات مسائية بمراكز ثقافية مختلفة ببيروت..

ومهرجان Beyrouth Livres مش بس ببيروت! رح توصل نشاطاته كمان لجونيه، ودير القمر، وصيدا، وطرابلس، وزحلة.

شو لازم تعرفوا:

النشاطات الرئيسية للمهرجان رح تصير ضمن معرض بيروت العربي الدولي للكتاب بـSeaside Arena، وين رح يكون عند Institut français du Liban جناح خاص طيلة فترة المعرض.

كمان، رح تنعمل أمسيات ونشاطات بمراكز ثقافية مختلفة ببيروت، إلى جانب النشاطات بالمناطق والمدن المشاركة.

مهرجان Beyrouth Livres 2026 رح يمتدّ من 9 لـ18 تشرين الأول، والنشاطات رح تكون بين الساعة 10 الصبح و9 المسا.

متحمّسين لمهرجان Beyrouth Livres 2026؟ تابعوا صفحتهن على إنستغرام لتعرفوا أكتر عن البرنامج والتفاصيل!

شوفوا كمان:

أشهر سوبرماركت فرنسية فتحت فرع جديد بالحازمية!