لقينالكن أطول سندويشة بلبنان بقلب طرابلس! 

خلونا نخبركن اليوم شو لقينا بطرابلس عروس الشمال، إذا عبالكن سندويشة محرزة لأقوى ساعات الجوع، ميلوا عند مطعم نار بطرابلس لتجربة أكل نار! 

بتلاقوا بمطعم نار سندويشة الأحلام للقلوب القوية، هالمطعم بيقدم سندويشة طويلة وكبيرة طولها 45 سم ولحالها وزنها كيلو، يعني برياحة بتحملوها بإيدتين وبين كل كدشة وكدشة بتاخدوا نفس. والحلو، انو كمان بتلاقوا المطعم بمنطقة البلمند مش بس بطرابلس.

هالسندويشة كتير مناسبة إذا إنتو بتعشقوا الأكل أو حابين تتشاركوها مع حدا من أصحابكن أو حتى تتحدوا بعض، وفيها طعمات مختلفة وشهية متل الدجاج أو الكرسبي أو السجق وقصص كتير طيبة، بتجي محشية لراسها بالمكونات الطازة، الجبنة والصوص والخضرا حسب طلبكن، وبعدين بتنحط بالفرن لتطلع سخنة وطرية، والأطيب من هيك عجينتها رقيقة وخفيفة!

بتلاقوا عندن بالمنيو أطباق طيبة وبحصص كريمة، متل الفروج المشوي لمحبي الدجاج والإكسترا التوم، بيجي معو كبيس ومازة لبنانية متنوعة وكمان بطاطا مقلية مقرمشة. وإذا عبالكن سفرة مشاوي غير شكل، لازم تجربوا عندن اللحمة مشوية، منظرها بيفتح النفس!

وكمان محبي البيتزا كتير رح تعجبن البيتزا الإيطالية اللي بيعملها مطعم نار، مليانة جبنة بتمغط على الآخر ومكوناتها شهية خصوصي بيتزا البيبروني.

للمزيد من المعلومات، اتصلوا على 424 624 06 (طرابلس) أو 103 931 06 (البلمند)

شوفوا كمان، هيك فيكن تقضوا أحلى مغامرة بأحضان تنورين