تعرّفوا على قهوة الحجر بالجبيل لقعدة بتروّق الراس

مدينة الجبيل العريقة معروفة بكنوزها التراثية والثقافية والسياحية، ومخبى بأسواقها وشوارعها أماكن ساحرة لازم تستكشفوها، اليوم رح نعرّفكن على قهوة الحجر بالجبيل، قهوة إيفين عبارة عن بيت تراثي عمرو أكتر من 300 سنة، قعدتو كتير رايقة ومكنكنة وترويقتو مهضومة وقهوته طيبة.

ديكور الكافيه كتير مهضوم، فيه تفاصيل من الطبيعة والحجر وبيجمع بين المودرن والقديم، شبابيكو مقنطرة وجلساته مكنكنة ورايقة على الآخر، كتير مناسب لتجتمعوا مع رفقاتكن على الترويقة أو على الدرس، أو حتى لتخلصوا شغل مع فنجان قهوة دافي.

كمان هالقهوة كتير مناسب للقاءات والاجتماعات بجو حلو وهادي للتركيز.

عندن مشروبات ملونة ومهضومة ضروري تجربوهن، مع بان كيك طرية وطعمها حلو بتطلع روعة.

وكمان فيكن تجربوا الصاج عندن إذا عبالكن ترويقة بيتوتية خفيفة وطيبة مع كباية شاي سخنة، بالزعتر أو الأورما أو الجبنة أو الكشك أو اللبنة.

وضروري تجربوا البيتزا، الجبنة دايبة على الآخر والصوص مبتكرة وطعمتها بتاخدكن على غير عالم.

من أجمل المطارح لتقعدوا بالجبيل على رواق، تقروا كتاب مهضوم وتشربوا قهوة طيبة.

للمزيد من المعلومات، اتصلوا على 666 737 09

شوفوا كمان، شوفوا ١١ مطرح ببيروت للشغل والدرس على رواق