بانيو بحضن الغابة…تجربة رومانسية هالخريف

في أحلى من القعدة بالطبيعة؟ بما انو صرنا على بواب الخريف، ما بيكمل الموسم من دون مشوار على المناطق الجبلية خصوصي لما تصير الجبال والغابات مزينة بألوان الدفى! اليوم رح ناخدكن معنا على اللقلوق، جنة مغمورة بالأبيض بالشتوية ومنطقة خيالية بالصيف! تحديداً بتلاقوا بأوتيل Laklouk Village Vacances تجربة خريفية مميزة بحضن الطبيعة، بانيو وقعدة رومانسية خاصة!

أوتيل Laklouk Village Vacances مخبي لكل العشاق قعدة ساحرة. بتتمشوا شوي بقلب الغابة وبتلاقوا مكان رايق وخاص مخبى عن العالم، ناطركن قعدة بانيو بحضن الغابة. جو غرامي وهادي لكل حدا عبالوا يهرب ويعيش لحظات ما بتنتسى هالخريف.

بتقعدوا بقلب بانيو بحضن الغابة وبترخوها بميّ مغمورة بالورد، قدامكن جمال الجبل وترويقة لبنانية غير شكل. كباية شاي دافية بتروق الراس مع أصوات الطبيعة. نسمة هوا جبلية وريحة الشجر وجو رومانسي، في أحلى من هيك؟

هالأوتيل بيقدم تجربة منتجع غير شكل للعيلة أو لشهر العسل. بتلاقوا بيوت ضيافة جبلية، نشاطات ترفيهية بالطبيعة للولاد والعيلة، مسابح بالصيفية ومراكز تزلج بالشتوية ومطاعم عالمية بتناسب كل الأذواق، قعدات بالجنينة وحدايق كبيرة، ومناظر جبلية ساحرة ومشاوير إستكشافية بالطبيعة. مكان كامل متكامل لعطلة مليانة سعادة وتسلية وراحة نفسية.

خبرونا بالتعليقات، مين بتعزموا على هيك مشوار؟

للمزيد من المعلومات أو الحجز، اتصلوا على 112 441 03

شوفوا كمان، تجربة ممتعة ورومانسية…حضروا الباستا بإيديكن من هالمطعم الإيطالي