٥ محلات بيعملوا سندويشات سجق بلبنان

عبالكن تجربوا سندويش سجق على أصولها؟ لكل محبي الأكل الشعبي، خلونا ندلكن على أطيب مطاعم لتجربة سندويشات السجق بلبنان.

١. طبلية مسعد، كافة الفروعة

عند طبلية مسعد مش بس بتاكلوا دجاج وطاووق، بحضرولكن كمان طبلية سجق على ذوقكن مع تتبيلة غير شكل. رح تنغرموا بقديش السجق بتكون طازة وبسيطة، بخبزة طيبة ومكونات أطيب.

الرقم: 370 445 01

٢. سجق وبس، حارة حريك

هل محل عندو سندويش وحدة بس ولي هيي السجق! محضرة مع تتبيلة غير شكل وقطع كبيس وبندورة ملفوفة بخبزة فرنجي ومحمصة منيح. زوروا بالضاحية وما رح تندموا!

الرقم: 407 641 70

٣. بسترما مانو، برج حمود

يلي مش دايق الشاورما على سجق عند مانو مش دايق شي بعد! بتجي بقلب خبزة رقيقة ومحمصة مع قطع سجق وكبيس ولا أطيب من هيك!

الرقم: 083 153 70

٤. ميدو ملك البسترما، خلدة

بيعملوا السجق متل بالمطبخ الأرمني وعلى أصولو، وكمان عندن سندويشات روستو، مقانق، هوت دوغ، شاورما دجاج، بسترما وبطاطا لتجربوها كمان!

الرقم: 803 811 05

٥. بسترما بيدو، برج حمود

من أكتر المطاعم الأرمنية المعروفة بالبلد، بيتفنن بالمطبخ الأمرني والأكل الشعبي. عندن منيو غني بالسجق ومختلف أنواع اللحمة والدجاج والمشاوي، رح تلاقوا حالكن عم ترجعوا على هالمطعم كل مرة بتكونوا مشتهيين تاكلوا سندويش سجق مع أطيب صوص وتتبيلة.

الرقم: 439 261 01

شوفوا كمان، ٨ محلات بيعملوا أطيب فتة بلبنان.