سباحة مع الخيل بنص النهر، تجربة ما تفوتوها هالصيف بلبنان!

لقينا تجربة مميزة بجبال الشمال رح تغنيك عن مشوار البحر! وإذا ناوي ع رحلة فيها حماس هالصيفية، شو رأيك تجرب تسبح بالمي… وإنت راكب ع ضهر الحصان؟

بمنطقة خيالية بضيعة إجدعبرين بشمال لبنان، بيقدملك Meghwar Horse Stall (مربط المغوار للفروسية) فرصة لتكسر روتين الصيف وتستمتع بركوب الخيل بين الممرات الطبيعية، والتلال، والمناظر الخضرا الخلابة.

أول ما تخلص الجولة، بتنزل الأحصنة دغري على ميّ النهر السقعة لترتاح وتبورد لحالها. منظر الأحصنة وهي عم تتسلى بالمي كتير لطيف، بس تذكر تلبس تياب مناسبة لأنك رح تتبلل أكيد.

وبالإضافة لهالشي، هالدرب بيبعد ربع ساعة بس عن سوق البترون العتيق. شو رأيك تخطط لزيارة لهونيك؟ وتعمل بعدها جولة بالسوق، وتتغدى بشي مطعم من مطاعم البترون، أو تنهي نهارك مع منظر الغروب عالبحر.

تأكّد تتابع Meghwar Horse Stall ع إنستغرام، أو تواصل ع الرقم: 917 356 70 – 534 110 70.

ابعت هيدا المقال لحدا بيعشق ركوب الخيل… والسباحة معها كمان! 🐴🌊

شوفوا كمان:

ليلة وحدة، 20 متحف ببلاش…ليلة المتاحف راجعة هالشهر!