شو قصة ستيكر Pepsi اللي عم تشوفوه بالمطاعم؟

إذا عم تسوقوا ببيروت بالفترة الأخيرة، أكيد مرق قدامكن إعلان لبيبسي. حملة Pepsi Zero Extra Fizz الجديدة صارت بكل مطرح، من اللوحات الكبيرة والشاشات الرقمية، للمطاعم اللي صار عندها ستيكر خاص مكتوب عليه “deserve the fizz”.

عن شو الحملة؟

صعب ما تلاحظوا حملة بيبسي الجديدة بالشارع. في لوحات كبيرة، شاشات رقمية، وحتى إعلانات 3D بتخلّي قنينة Pepsi تبين وكأنها طالعة من الشاشة.

بس الحملة ما وقفت هون. هالمرة، Pepsi أخدت فكرة الـfizz ع المطاعم كمان، وعم تسلّط الضو على وجهات أكل محلية بلبنان. ومن خلال تعاونها مع مؤثرين محلّيين، عم تاخدنا بيبسي بجولة على مطاعم ووجهات أكل من مختلف المناطق، لنكتشف الأطباق والمطارح يلي بيكملوا بعض مع Pepsi Zero Extra Fizz.

بالحقيقة، الفكرة بلشت من السنة الماضية مع إعلانات بيبسي الغنائية واللافتة، المبنية على فكرة الـ“Extra Fizz”. وهلأ عم نشوفها تنتشر أكتر بالساحة المحلية. وأكيد في كتار شافوا الدعاية وصاروا حافظين كلماته:

ستيكر الـFIZZ للمطاعم يلي بتستاهل!

حساب بيبسي لبنان ع إنستغرام، @pepsilebanon، عم يشارك مطاعم لبنانية وأطباقها مع Pepsi Zero Extra Fizz. والفكرة ببساطة هي اكتشاف الأكلات اللي بحسب بيبسي بتستاهل. وكجزء من الحملة، تعاونت بيبسي كمان مع عدد من المؤثرين ليزوروا مطاعم بلبنان، ويعرّفوا جمهور جديد على أكلاتهن المفضّلة والأكلات يلي بيحبّوها مع بيبسي.

المطاعم اللي بتختارها Pepsi بتاخد ستيكر خاص لتحطّه بالمحل. يعني إذا كنتوا بمطعم وشفتوا ستيكر Pepsi عالشباك، عالكاونتر أو حدّ المنيو، بتعرفوا إنو هيدا المحل أخد ستيكر الـfizz. وبهالطريقة، الحملة ما بتضل بس أونلاين، كمان بتوصل للناس على أرض الواقع وبتساعد المطاعم والأماكن المحلية توصل لزبائن جدد.

شغلة بسيطة، بس عم تخلي الحملة تطلع من الشوارع وتوصل للأماكن اللي مناكل ومنقعد فيها كل يوم. ومن خلال جمع المؤثرين ومحبّي الأكل وأصحاب المطاعم، عم تساعد الحملة الناس يكتشفوا مطاعم وأطباق جديدة، وبنفس الوقت تعطي المطاعم فرصة توصل لجمهور أكبر. وبما إن Pepsi صارت جزء من حياتنا من زمان، مش غريب نشوفها عم تدخل أكتر بالأماكن اللي منروح عليها عطول.

بين لوحات Pepsi الكبيرة ببيروت والستيكرات الصغيرة بالمطاعم، Pepsi Zero Extra Fizz صارت موجودة بكتير مطارح جديدة بالمدينة. ومع المؤثرين عم يبرموا على مطاعم، صارت هالحملة طريقة حلوة لاكتشاف أكلات ومحلات بتستاهل.

وهلق صار السؤال: أي مطاعم لبنانية رح نشوف عليها ستيكر الـfizz الجايي؟

شفتوا شي من هالستيكرات بالمدينة؟ خبرونا أي مطاعم أخدوها، ويمكن نروح نجربها نحنا كمان!

شوفوا كمان:

Costco وصل ع سبينيس بلبنان – كيف الأسعار وشو رح تلاقوا؟