القصة ورا نجاح WinnerForce …أشهر ماركات الملابس الرياضية بلبنان

من أكتر الشغلات اللي منحب نعملها، إنو ندعم ماركات محلية ونتعرّف على قصصها، خاصةً لما نشوف كيف بلّشت وكبرت مع الوقت.

بتعرفوا إن هالماركة اللبنانية للملابس الرياضية موجودة من سنة 2018؟

WinnerForce صار اسم معروف بعالم الرياضة و اللياقة بلبنان، ومن الماركات المحلية اللي عم تكبر وتتوسع دايماً. واللي كانوا متابعين من البداية أكيد لاحظوا أديه تغيّرت وكبرت مجموعتها مع السنين.

اليوم، المجموعة بتشمل تقريبًا كل شي ممكن تحتاجوه للرياضة، من ملابس رياضية و أساسيات الجيم، لأكسسوارات و معدات، وحتى خيارات لملابس رياضية محتشمة، اللي بعدها محدودة بالسوق اللبناني.

القصة ورا البراند

اللافت بـ WinnerForce هو إن وراها خبرة طويلة بمجال التصنيع بلبنان.

الماركة انطلقت من خبرة أكتر من 20 سنة بمجال التصنيع المحلي. قبل WinnerForce، كانت Harfouch Trading and Manufacturing عم تشتغل بإنتاج أنواع مختلفة من الملابس، من الزي الرسمي للملابس المتخصصة.

هالخبرة ساعدت الشركة تدخل بمجال الملابس الرياضية، ومن هون انطلقت WinnerForce سنة 2018.

ومن وقتها، الماركة ما وقفت عند الملابس الرياضية بس، كبرت لتصير عندها عدة فروع بلبنان، بالإضافة لمتجر إلكتروني بيوصّل منتجاتها لكل المناطق بلبنان وحتى دول العالم.

وهالتوسّع واضح كمان بالتشكيلة. اليوم، WinnerForce عندها أكتر من 500 منتج للنساء والرجال والولاد، من الملابس الرياضية وأساسيات الجيم، لمعدات الرياضة والأكسسوارات والملابس الرياضية المحتشمة.

الفكرة ببساطة إنو تلاقوا كل احتياجاتكن الرياضية بمحل واحد، وبخيارات متنوعة بتناسب مختلف تمارين وميزانيات.

ماركة بتهمّها الشمولية والأسعار المقبولة

من الشغلات اللي كمان بتميّز WinnerForce، تركيزها على توفير ملابس رياضية بأسعار مقبولة، لتكون بمتناول كل الناس.

عندن كمان قسم Outlet أونلاين، بتلاقوا فيه قطع مختارة بأسعار مخفّضة، إذا كنتوا عم عبالكن تجدّدوا ملابس الرياضة من دون ما تصرفوا كتير.

أما من ناحية القياسات، ففي قطع من بعض التصاميم بتوصل لقياس 3XL.

وللمحجبات، WinnerForce عندها كمان حجابات رياضية مصممة للتمارين، بالإضافة لملابس رياضية مخصصة إلن. وهيدا خيار بعده مش متوفر بشكل واسع بالسوق المحلي.

من ماركة بلّشت سنة 2018، لـ500+ منتج وعدة فروع بلبنان، WinnerForce عم تكبّر مجموعتها وحضورها خطوة بخطوة.

فإذا صارلكن فترة عم تفكروا تجدّدوا ملابس الرياضة، فيكن تتصفحوا أقسام السيدات والرجال والولاد وتشوفوا المجموعة على موقعهن.

ومن وقت إطلاقها، WinnerForce كفّت بتوسيع حضورها بلبنان. افتتح فرع سيتي سنتر بيروت بتشرين الأول 2021، وبعده فرع سيتي مول بآب 2023، وفرع كوسبا بنيسان 2025، وآخر فرع إلها بالمينا طرابلس بحزيران 2026.

واليوم، الماركة بعدها عم تخطط للتوسّع وفتح فروع جديدة بمناطق مختلفة بلبنان، فخلّوا عينكن عليها… يمكن الفرع الجايي يكون قريب منكن.

فيكن كمان تزوروا فروع WinnerForce وتشوفوا المجموعة عن قرب. لمعرفة الفرع الأقرب إلكن، اكبسوا هون.

شوفوا كمان:

أشهر سوبرماركت فرنسية فتحت فرع جديد بالحازمية!