أحلى مهرجان جايي ع سوق بربور التجاري هالويك-إند (الدخول مجاني)

حضّروا حالكن ل4 أيام من التسوّق، الأكل، الموسيقى والأجواء الحلوة! مهرجان آخر أيام الصيفية جايي ع سوق بربور التجاري – بيروت مع تنظيم «أحلى سوق». من الخميس 8 للأحد 11 تشرين الأول، جايب معو برنامج مليان فعاليات مميزة.

يعني إذا بدكن تودعوا الصيف بأجواء حلوة، ما تفوتوا عليكن هالمهرجان! فيكن تتسوّقوا من براندات محلية، تكتشفوا منتجات وشغل يدوي وحرفي، تجرّبوا مأكولات وحلويات، وتستمتعوا كل نهار بفعالية مختلفة، من الموسيقى اللايف للسهرات والعروض الترفيهية.

والأحلى؟ الدخول مجاني لكل الزوار!

شو ناطرکن؟

على مدار 4 أيام، رح يكون في برنامج ممتع كل نهار:

الخميس 8 تشرين الأول│الفنانة ليال عبود
عرض موسيقي وأجواء حلوة ضمن فعاليات أحلى سوق.

الجمعة 9 تشرين الأول│فرقة فوضى منظّمة
عرض موسيقي لايف ولمّة حلوة.

السبت 10 تشرين الأول│الفنان أمير يزبك
سهرة مليانة أغاني وفرح وأجواء ما بتنتسى.

الأحد 11 تشرين الأول│DJ، عروض ترفيهية وبالونات للولاد
ختام المهرجان فعاليات للولاد وكل العيلة.

وبين كل هالأجواء، رح يكون فيكن تتمشّوا بالسوق، تلاقوا شغلات جديدة، تدعموا أصحاب المشاريع المحلية وتقضوا وقت حلو مع العيلة والرفقات.

شو لازم تعرفوا؟

📍 سوق بربور التجاري – بيروت
📅 8–11 تشرين الأول
⏰ من 10 الصبح حتى 12 الليل
🎟️ الدخول مجاني

إذا بدكن آخر كم نهار من الصيف يكونوا مليانين تسوّق، موسيقى ولمّة حلوة، ما تفوّتوا مهرجان آخر أيام الصيفية!

شوفوا كمان:

من بيروت ع باريس: Swiss Butter فتح أول فرع إلو بفرنسا