خبر حلو…ماركة H&M رجعت رسميًا على لبنان!

بعد سنين من الغياب عن السوق اللبناني، رجعت علامة الأزياد العالمية H&M رسميًا على لبنان، وصار فيكن تتسوّقوا من عندن من جديد!

البراند السويدية، اللي كان إلها فروع ومحلات بلبنان قبل، غابت عن السوق المحلي من كم سنة. واليوم، عم ترجع من خلال تجربة تسوّق أونلاين مخصّصة للبنان، متوفّرة عبر تطبيق H&M والموقع الإلكتروني بلبنان lb.hm.com.

هالرجعة عم تصير بالتعاون مع مجموعة (Alshaya Group)، المسؤولة عن H&M بالمنطقة. ومع إنو ما أعلنوا عن فتح فروع جديدة بلبنان، صار فيكن تتسوّقوا من مجموعات الماركة أونلاين، من دون الحاجة تطلبوا من برا لبنان.

شو متوفّر أونلاين؟

المتجر أونلاين بيضمّ مجموعات H&M النسائية والرجالية، كمان ملابس الولاد، الإكسسوارات والقطع الموسمية. وكمان فيكن تتصفّحوا أجدد التصاميم و الإصدارات الجديدة، و تستفيدوا من عروض حصرية على الموقع.

ورجعة H&M على لبنان هي جزء من خطّة توسّع أكبر، عم تشتغل عليها العلامة مع Alshaya Group، واللي شملت كمان إطلاق خدمة التسوّق أونلاين بالأردن للمرّة الأولى.

لكل اللي اشتاقوا يتسوّقوا من H&M، صار فيكن تطلبوا من عندن أونلاين من لبنان! أمّا رجعة الفروع و المحلات على لبنان، فبعدها مش أكيدة.

والأحلى إنو صار فينا نتسوّق مجموعة Elie Saab x H&M من لبنان كمان!

شوفوا قسم #تسوق لمحتوى أكتر متل هيدا.

شوفوا كمان:

إيلي صعب يتعاون مع H&M بمجموعة جديدة لكل يوم!