أكل وشرب
بمناسبة عيد الاستقلال، Elsa Chocolatier عم تاخدكن بجولة من خلال تشكيلة شوكولا جديدة مستوحاة من مدن لبنان. تشكيلة «نكهة من لبنان» أو A Taste of Lebanon بتجمع بين نكهات لبنانية منحبّها وتصاميم ملوّنة مستوحاة من كل مدينة، بقلب علبة شوكولا وحدة.
المجموعة متوفرة لفترة محددة وبتضمّ 8 مدن لبنانية: بيروت، إهدن، البترون، طرابلس، جبيل، صور، صيدا وبعلبك. كل مدينة إلها لوح شوكولا خاص فيها، مغلّف لحالو، مع ألوان وتصاميم بتعبّر عن طابعها.
وكل لوح شوكولا مستوحى من نكهة لبنانية معروفة بهالمدينة. من كرابيج طرابلس ومعمول الفستق الحلبي، لكنافة الفستق الحلبي من صيدا وحلاوة الفستق من البترون. كمان في شوكولاتة بنكهة السحلب المستوحاة من إهدن، وبقلاوة بالكراميل من بيروت، ورز بحليب من بعلبك، وبسكوت وراحة من جبيل، ومعمول بالتمر من صور.
سعر العلبة 23$، وبتضمّ 8 ألواح شوكولا، كل واحد مغلّف بطريقة مختلفة، بعلبة أورونج ملوّنة.
هالمجموعة هدية حلوة لكل شخص بيحب لبنان، وطريقة مميّزة للاحتفال بعيد الاستقلال، أو حتى فرصة لتجرّبوا 8 نكهات مختلفة مرّة وحدة! وإذا عندكن رفيق جايي من السفر، يمكن لقينالكن الهدية المناسبة.
فيكن تطلبوها من موقعهن الإلكتروني من هون.
أي مدينة برأيك طعمتها أطيب؟ ابعت هيدا لحدا ممكن يحبّ شوكولا “A Taste of Lebanon” الجديدة من Elsa!
شوفوا قسم #الحلويات ع موقعنا لتعرفوا أكتر.
أو ابدأ بأحد هذه الاقتراحات