بيتزا دوناتس أكل وشرب

بيتزا بس قد دوناتس! شوفوا هالمحل بالضاحية

إذا بتحبّوا البيتزا وبتحتاروا بأي نكهة تطلبوا، Pizza Way بالضاحية عندن الحل! عم يقدّموا بيتزا دوناتس، وهي ميني بيتزا بحجم الدوناتس، بتجمعلكن 6 نكهات مختلفة بعلبة وحدة!

العلبة فيها 6 حبّات، وكل وحدة بطعمة غير، يعني ما في داعي تتّفقوا كلّكن على نكهة وحدة! في مارغريتا بالحبق، بيبروني، فطر، بيستو، وغيرها من الخيارات، حتى في بالجوز والروكا للي بحبّوا يجرّبوا شي منعش ومقرمش.

العجينة منفوخة ع الأطراف ومحمّرة، وفوقها جبنة دايبة وحشوات بتشهّي. وكمان، بتجي العلبة مع صوصين عالجنب لتغمّسوا فيهن أطراف البيتزا وتزيدوا الطعمة.

هالفكرة حلوة إذا بدكن تطلبوا شي تتشاركوه مع الرفقات، خصوصي إنو كل شخص فيو يجرّب أكتر من نكهة ويختار المفضّلة عنده. يعني إذا كل واحد بالعادة بيطلب بيتزا غير، هالمرة فيكن تجرّبوا كل النكهات سوا!

إذا بعد ما جرّبتوا بيتزا دوناتس، صار عندكن سبب جديد تطلبوا بيتزا من Pizza Way!

📍 حارة حريك – الشورة
📞 الرقم: 060 829 03
⏰ يوميًا من 12 الضهر للـ12:30 بعد نص الليل

تابعوهن ع انستغرام هون للمزيد.