غرامكن الأكل؟ 7 أكلات لازم تجربوها ببيروت

إذا انتو من النوع يلي بيعيش لياكل، هيدا المقال إلكن. الأكل الطيب مش صعب تلاقوه ببيروت، بس في أكلات ما فيكن تفوتوها، هيدي 7 من ألذها!

1. الشاورما التركية من Hayat Döner

Hayat Döner لازم يزوره كل حدا بيحب الوجبات الغنية والمليانة نكهة. الدونر المميّز عندن بيجي بلحمة، دجاج، أو ميكس، معمول من لحمة شاورما متبّلة بخلطة سرّية من الأعشاب والبهارات.

كل كدشة مليانة بصل، ملفوف، بندورة، خس، ومغمّس بصوص الأعشاب مع لمسة حرّة، وكلّو بقلب خبز دونر تقليدي.

وإذا بتفضّل الشاورما الكلاسيكية بالخبز العربي، عندن هالخيّار كمان. بس الدونر هو النجم الحقيقي: طيب، بيشبّع، ومليان نكهة.
وعندن 13 فرع بكل لبنان، من المزرعة وصيدا لجبيل والبترون، يعني وين ما كنت فيك تلاقيه بسهولة.

غير الدونر، بتشمل المنيو عندن البرغر على الطريقة التركية، والكومبير المحشّي، والتحلاية المفضلة عندكن متل الكنافة، وهيدا اللي بيخلي Hayat Döner محطة أساسية لكل حدا بده يتلذذ بوجبة تركية كاملة.

تأكدوا تتابعوهن على إنستغرام للمزيد.

2. قطع الدجاج المقلية عند Birdy Fam

لكل يلي بيحبوا الكرسبي، Birdy Fam وجهتكن الجديدة لما تكونوا مشتهيين أكل مريح. الستربس عندن مقلية ومتبلة عالآخر، مقدمة مع خبز بريوش طري وطازة مع الصوص المميز. مننصحكن تطلبوا جنبها بطاطا مقلية أو ستيكس الموزاريلا (أو الاتنين).

هيدا مطرح كتير حلو تجربوا مع أصحابكن، خاصّة اللي بحبوا يجرّبوا مطاعم جديدة وما بيقولوا لاء. تأكدوا انكن تابعوهن على إنستغرام لتعرفوا أكتر.

3. بيتزا Secret Butter من Pizza Secrets

Pizza Secrets معروف ببيتزا السويس مشروم، بس الـ Secret Butter بيتزا عندو ما بتتفوّت. مستوحاة من طبق Swiss Butter، ومليانة دجاج مشوي أو فيلي ستيك، موزاريلا، بطاطا مقلية، وصوص الانتريكوت تبعهن.

تأكدوا تتابعوهن على إنستغرام.

4. البطاطا البلجيكية المشهورة من Frieten

محل مخصّص بس للبطاطا البلجيكية ببيروت؟ أخيراً!
Frieten بيقدّم بطاطا سميكة ومقرمشة بعلبة ع شكل cone، مثالية وقت تشتهوا شي دسم وبيشهي.

وفيكن كمان تطلبوا برغر، مقانق، أو دجاج مقلي ليكملوا طعم البطاطا المملّحة. وعندن تشكيلة صوصات بتختارو منها: chipotle، aioli، وcurrywurst.

تأكدوا تتابعوهن على إنستغرام للمزيد.

5. علبة باستا دجاج بجبنة البارميزان من Mailos

الباستا بالعلبة يمكن تكون أحلى لقمة. سريعة، طيبة، ومشبّعة. Mailo’s هو محل مخصّص لعشّاق الباستا ع شارع بلس، بتوقف، بتختار نوع الباستا، الصوص، والإضافات.

ما فيك ما تدوق خيار البارميزان بالدجاج، بس إذا أوّل مرة بتجرّب، اطلب الـ Mac n’ Cheese كمان. ما تنسوا تابعوهن على إنستغرام.

6. منقوشة كنافة من Salsa

أطيب اختراع عندن: منقوشة الكنافة، مزيج بين العجينة الطازة، الجبنة الدايبة، والكنافة الناعمة مع الطبقة دهبيّة ومقرمشة. وبيزيدوا عليها شوي قطر ورشة فستق لتصير الطعمة مثالية.

هيدي ترويقة الأحلام لكل اللي بيحبوا الحلو. ما تنسوا تتابعون على إنستغرام للمزيد.

7. برغر الدوناتس من Timmy Street Food

يلي بيحبوا خبصة الأكل، هيدا المكان إلكن. عندن بطاطا بتشهي، أطباق محشّية، وبرغر smashed رهيبة، بس إذا بدكن شي جديد، لازم تجرّبوا برغر الدوناتس — معمول من دوناتس Krispy Kreme!

إذا بتحبوا الخلطات بين الحلو والمالح، فلازم تجربوا برغر الدوناتس الجديد. تأكدوا تتابعوهن على إنستغرام.

شوفوا كمان:

خلّص بيتزا كبيرة واربح 10,000$ كاش…تحدي البيتزا المجنون ببيروت!