الشتا صار أحلى: مهرجان تلجي ناطركن بمزار كفردبيان!
بقلب مزار كفردبيان، منتجع التزلّج الأول بلبنان، عم ترجع الأجواء الشتوية بأحلى حلّة مع Mzaar Winter Village — قرية شتوية و مهرجان تلجي بيجمع الكبار والصغار على الفرح، الحماس، والأجواء حماسية.
قرية تلجية خيالية!
من 12 لغاية 19 شباط، يوميًا من 12 الضهر لـ9 المسا، رح يتحوّل Les Jardins du Mzaar لقرية شتوية كاملة: أكل طيب، سوق مميّز، منتجات محلية، وأنشطة بتخليك تحسّ حالك بعالم تاني. المهرجان مثالي لمشوار مع الرفقة، ضهرة رومانسية عالثلج، أو نهار عائلي مليان نشاطات وسعادة.
للتفاصيل عن الحجز أو الدخولية، تواصلوا مع مزار كفردبيان هون.
وما بتوقف هون، كمان في مهرجان تاني!
بـ 21 شباط، الدور بيجي على الصغار مع حدث ولا أروع: KIDS NIGHT SNOWFEST.
مهرجان تلجي ليلي مخصّص للولاد والعيل من تنظيم Tiny Fests، من الساعة 5 لـ7 المسا، بنفس الموقع، وبيقدّم تجربة مستوحاة من القطب الشمالي.
تخيّلوا ولادكن عم يبنوا بيت جليدي مضوي بالـLED، يرسموا على التلج، يلعبوا مع شخصيات القطب الشمالي، ويحضروا ألعاب وعروض نارية بتضوي بالليل. قرية ليلية، بالونات LED طايرة، تجربة تساقط تلج جنونية، وأجواء بتخلّي الولاد يعيشوا حلم شتوي حقيقي.
الحدث مخصّص للأطفال من عمر 4 سنين وطلوع، مع توفّر التدفئة بكل المكان لراحة الكل. وما تنسوا تجيبوا معكن تياب شتوية منيحة وأحذية وجاكيتات ضد المي.
📞 الحجز ل Kids Night Snowfest عالرقم: 843 272 71.
🎟️ الدخولية: الولاد 40$ – الكبار 15$
ما تفوتوا حدث الموسم!
باختصار، إذا بدكن كذا مهرجان تلجي للكبار والصغار، مليان فرح، فعاليات، وأجواء شتوية ما بتنتسى… مزار كفردبيان هو العنوان هالشهر 🏔️❄️
