شط نضيف وببلاش…تعرفوا ع شط العقيبة بكسروان!

إذا بعدكن عم تفتّشوا على شط نضيف وببلاش بكسروان، شط العقيبة لازم يكون على الليستا هالصيف.

من أجمل الشواطئ الطبيعية بكسروان، شط العقيبة بيفتحلكن المجال تستمتعوا بنهار بحر مجاني من دون أي كلفة. شط رملي بيمتدّ لحوالي 4 كلم، وفيه مساحة واسعة للمشي، السباحة، ألعاب الرمل، أو حتى تتشمسوا قدّام البحر.

ولتكون التجربة أحلى، O Camp Okaibe ناطركن بكل شي بتحتاجوه لنهار أو حتى سهرة مميّزة عالبحر. إذا بتحبّوا التخييم، فيكن تحجزوا خيمتكن وتقضّوا الليلة على صوت الموج، ضمن أجواء صيفية ما بتنتسى. وبالليل، سهرة النار بتجمع الكل حوليها مع موسيقى، قعدة حلوة، وجو صيفي بيخلّيكن ما بدكن تروحوا.

كمان المطعم والبار موجودين من الصبح لعشية. سواء عبالكن ترويقة قدّام البحر، غدا بعد السباحة، أو عشا مع غروب الشمس وصوت الموج، كل الخيارات بانتظاركن بمحل واحد.

وإذا بتحبّوا الأجواء الحماسية، O Camp Okaibe بينظّم كمان حفلات على الشط طول الصيف، مع موسيقى، أجواء مميّزة، وتجربة بتجمع بين البحر والسهرة بأحلى طريقة.

المكان مناسب للعيل، للأزواج، ولشلّة الأصحاب، لأن أجواءه مريحة وآمنة وبتناسب الكل. وإذا بدكن تهربوا من عجقة المدينة وتعيشوا نهار مليان بحر، شمس، واسترخاء، شط العقيبة هو من أحلى الخيارات بكسروان.

📍 العقيبة – كسروان

📞 الرقم: 634 847 03

جهزوا عدة البحر، لمّوا أصحابكن أو العيلة، وخلو O Camp Okaibe يكون وجهتكن المفضلة هالصيف، لتعيشوا أجمل الذكريات على واحد من أنظف وأجمل شواطئ لبنان المجانية.