تعلّموا تعملوا الصفيحة البعلبكية مع لقيس فارم هالسبت!

إذا بتحبّوا الصفيحة ودايمًا كان عبالكن تعرفوا كيف تعملوها بالبيت متل المعلّمين، هالسبت عندكن فرصة تتعلّموا أسرارها خطوة بخطوة مع لقيس فارم بجل الديب، المعروفين باللحمة الطيبة والأطباق اللبنانية، وخاصةً الصفيحة البعلبكية.

خلال الورشة، رح تتعلّموا كيف تحضّروا الصفيحة، من العجينة والحشوة لطريقة الخبز. وكمان رح تجرّبوا تعملوها بإيدكن وتطبّقوا كل اللي تعلّمتوه.

والتجربة ما بتوقف هون! الورشة رح تكون ضمن برانش من 10 الصبح للـ1 الضهر. بيتضمن بوفيه غني بأصناف لبنانية ومحطات لتحضير الأكل قدامكن، يعني فيكن تتعلّموا، تجرّبوا، وتستمتعوا بأكل طيب بنفس الوقت.

وبآخر الورشة، رح تحصلوا كمان على شهادة بعد إتمامها. هيك لتكونوا أخدتوا معكن كل أسرار تحضير الصفيحة من أكتر محل مشهور فيها بلبنان كلو. 

تفاصيل ورشة الصفيحة:

📅 السبت من 10 الصبح للـ1 الضهر
📍 لقيس فارم، جل الديب
💵 25$ ع الكبار | 5$ الورشة | 15$ للصغار

📞 للحجز: 1661

شوفوا كمان:

معرض بيروت العربي الدولي للكتاب راجع قريباً!