١١ مطرح خريفي لتجربة رومانسية مع الحبيب

موسم الخريف هو موسم الضهرات المكنكنة والقعدات الرومانسية والأجواء اللطيفة. اليوم رح نخبركن كيف فيكن تمشرعوها مع الحبيب بالخريف. مشوا معنا على 11 مطرح خريفي لتجربة رومانسية مع الحبيب.

1. قضوا أيام رومانسية عند كايم بميروبا

بيت ضيافة ساحر قاعد بالغابة ومغمور بالشجر والصخر. عندو قعدة خاصة بعيدة عن العالم، مناظر خريفية روعة، وجاكوزي دافي.

الرقم: 494 649 81

2. جربوا بانيو دافي بقلب الطبيعة مع الشريك عند Laklouk Village Vacances

أوتيل بتجارب خريفية مميزة من بيوت خشب مكنكنة لبانيو بقلب الطبيعة الجبلية وتحت الشجر. تجربة خاصة ورومانسية هالخريف!

الرقم: 112 441 03

3. إركبوا على البيسكلات من عند صوفر بايكس وبرموا كورنيش صوفر

كورنيش صوفر شارع طويل من الشجر المرصوف، وبالخريف هالشارع بيكون ساحر الجمال ومزين بألوان الدافية. بيطل على الوادي والمنظر على غروب الشمس خيالي بين الغيوم.

بتركبوا على البيسكلات مع حبيبكن وبتبرموا كورنيش صوفر تحت شجر الخريف، نشاط كتير رومانسي!

الرقم: 633 844 78 – 118 092 81

4. زوروا متحف هنري التراثي بالبترون

بيت تراثي لبناني على الموديل القديم، عمرو 100 سنة ومخبي قطع أثرية وأنتيكا.

بتضيعوا انتو والحبيب بقلب هالمتحف، وبتنبسطوا بقعدة على البلكون بترجعكن سنين لورا. الدخولية للشخص 5 دولار.

الرقم: 654 753 03

5. عملوا الباستا على إيدكن عند Una Cucina Di Pasta بالمنصورية

فكرة موعد غرامي كتير حلوة! بتتعلموا كيف بتعملوا الباستا الإيطالية على أصولها، نشاط رومانسي ومهضوم مع نبيد وأطباق طليانية شهية.

الرقم: 654 022 70

6. دوقوا النبيد اللبناني عند معصرة ومطعم Iris Domain ببحمدون

مطعم رومانسي عندو عشوات حلوة وغدوات بين كروم العنب والطبيعة الحلوة. بتتعرفوا على تاريخ هالصناعة وبتدوقوا النبيد من عندن بالمعصرة.

الرقم: 879 900 78

7. عيشوا لحظات مميزة بعالمكن الخاص عند The Cave Resort

منتجع الكهف بيقدم بيوت خشب على راس الجبل، بتطل على سهل القموعة كله وأجمل المناظر بعكار. عندن قعدة رومانسية بعيدة عن العالم وبأحضان الطبيعة.

الرقم: 103 411 70

8. جربوا أطباق إيطالية شهية على درج مار نقولا عند بافالينو

عندو جو كتير رومانسي و Cozy ببيروت مع مختلف أطباق الباستا والبيتزا الإيطالية الأصيلة، مطرح بعيشكن رومانسية روما بكل تفاصيلها.

الرقم: 080 091 81

9. خيموا لطلوع الضو بقلب Van عند Pack and Go

بتنبسطوا بأحلى سهرة نار من أعالي إهدن مع الشريك، ومنظر غروب الشمس ما بيتفوت!

الرقم: 657 901 71

10. إنبسطوا بعشا رومانسي خاص ومكنكن عند Lebanon Getaway

جوهرة مخباية بعنايا جبيل وبيطل على مناظر ساحرة بالطبيعة. كمان مطرح مميز لتطلبوا إيد الشريك على ضو الشموع وبين الورود الحمرا.

الرقم: 209 560 70

11. إستمتعوا بجو مكنكن وأكل دافي عند L’Autre Bistro

مطعم وBistro رومانسي على الآخر بالحمرا. عندو جو مكنكن وقعدة قديمة بين الورد وأطباق عالمية مع نبيد طيب، مطرح ساحر لموعد غرامي ما بينتسى.

الرقم: 501 742 01

تاغ للشريك بالتعليقات! وخبرونا بتجربوا هل كم مطرح خريفي لتجربة رومانسية مع حبيبكن؟

شوفوا كمان، كيف فيكن تقضوا أحلى مشوار الخريف بصوفر؟