شو مشاريعنا

طالعين ع التلج؟ ٦٠+ مطرح لتقضوا ليلة بأجمل المناطق التلجية بلبنان

موسم التلوج والتزلج بلبنان من أكتر الأوقات من السنة اللي اللبنانية والسياح بينطروها ليشهدوا على جمال لبنان بالأبيض. وكتار منا بيكونوا عم يفتشوا عمطرح بيوت ضيافة أو أوتيلات ليقضوا الليلة فيه هني والشريك، أو مع العيلة، أو الأصحاب. اليوم عملنا برمة على أجمل المناطق التلجية بلبنان، لنخبركن وين فيكن تقضوا ليلة فيها.

كفردبيان

1. Terrebrune Hotel

تخايلوا معنا هالمشهد: ترويقة بلدية على بلكون خاص مع منظر التلوج، صبحية من الحلم! لتعيشوا هالجو الرومانسي اتوجهوا على هالأوتيل ، المميز بكفردبيان، وحدة من أحلى المناطق التلجية بلبنان.

الرقم: 301 030 03

2. The Dome

كتار منا بيفتشوا على تجربة مميز بالطبيعة الجبلية، وهالبيت القبة بكفردبيان بيقدملكن أحلى قعدة بالغابة. بيوت القبة فيها كل وسايل الراحة و الترفيه، صوبا حطب، جاكوزي، ألعاب وأفلام، منظر مفتوح ع الغابة، وقعدة بعيدة عن العالم. مطرح غير شكل للعشاق اللي عم يبرموا ع مطرح خاص وحميمي!

الرقم: 330 331 70

3. Chill Chalet، فقرا كفردبيان

هالشاليه مناسب تحجزوا فيه مع العيلة، عندو قعدة مودرن، جو دافي، وبلكون مطل ع جمال كفردبيان!

الرقم: 244 077 81

4. Montagna Casa Guest House، فقرا كفردبيان

إستمتعوا بجمال التلوج وليالي دافية عند هالبيت الضيافة المكنكن بنص الضيعة. والحلو انو كمان قريب ع مراكز التزلج و المطاعم بالمنطقة.

الرقم: 841 918 03

5. Dome Urban Retreat

Urban Retreat بيقدملكن كذا تجربة مميزة بكفردبيان. فيكن تقضوا عطلة الأحلام بقلب بيت قبة بحضن الشجر العتيق، بيضم تراس وترويقة وفيو مفتوحة ع الطبيعة، مع قعدة مليانة دفى وكنكنة جنب الصوبا.

الرقم: 261 464 81

6. Oakridge Faqra، فقرا كفردبيان

هالأوتيل الفاخر بيقدملكن تجربة مميزة للعشاق اللي عم يدوروا ع محل مرتب ورومانسي يقضوا فيه شهر العسل هالشتوية بدل ما يتكلفوا كتير ويسافروا. مطعم، خدمات مساج وسبا، مسبح داخلي وفيو خلاب للطبيعة.

الرقم: 009 707 70

7. Ourea Faqra، فقرا كفردبيان

كمان هالبيت مطرح مميز لتقضوا شهر عسلكن جنب الصوبا، ع منظر التلوج ودقات البيانو، وتقضوا نهار كامل عم تلعبوا بالتلج.

فاريا

8. أرز فاريا

عيشوا تجربة جبال سويسرا عند أرز فاريا، عندن بيوت ضيافة خشب مكنكنة ومغمورة بالأبيض لما تتلج الدني. المنظر الجبلي من هالبيوت بياخد العقل، والجو رومانسي على الآخر خاصةً إن كنتوا مع الشريك.

الرقم: 467 109 03

9. Perch Faraya

بتلاقوا عند Perch Faraya القعدة الخاصة بأحضان الطبيعة الكسروانية ومعروفة فاريا انو من أجمل المناطق التلجية بلبنان. رح تلاقوا بيوت خشبية مودرن مع فيو ساحرة للمنطقة.

الأجواء داخل هالبيوت كتير رايقة ودافية، لتقضوا أحلى ليالي مكنكنة جنب الصوبا ومع منظر التلجات.

الرقم: 266 552 03

10. L’Ours Wooden lodges

إذا عبالكن تطلعوا على فاريا مع أصحابكن، هالمطرح عندو بيوت خشبية كتير مناسبة. مطرح مجهزة بكل وسايل الراحة، وقاعد بين الجبال الحلوة!

الرقم: 474 727 81

11. Trinity 5

هالمطرح بيقدملكن كذا بيت خشب قاعدين على حافة الجبل، بيتميزوا بفيو مفتوحة على الطبيعة ومنظر لغروب الشمس رح يسحركن.

بيطلع عبالكن تقضوا عندن أيام وليالي!

الرقم: 221 210 71

12. Faraya Getaway

لكل حدا عم يفتش على مطرح مريح ومكنكن بقلب فاريا، لقينالكن هالمحل المليان لطافة. قعدتو بسيطة ودافية مع بلكون بيطل على بيوت الضيعة، أديه مهضوم؟

الرقم: 476 867 03

اللقلوق

13. Dreamhouse Laqlouq

دريم هاوس بيقدملكن قعدة الأحلام بين جبال اللقلوق. بتستمتعوا بوقت مميز هالشتوية بقلب بيوت خشب مكنكنة ودافية.

المناظر خلابة خصوصي لما تتلج الدني، تخايلوا تفيقوا الصبحيات على هيك لوحة طبيعية؟

الرقم: 688 206 70

14. Nirvana & Shangri-La أوتيل

أوتيل ساحر بأحضان الطبيعة باللقلوق، بتلاقوا بهالمكان تجربة منتجع مميزة مع الشريك. ناطركن بيوت جبلية وقعدة دافية بتاخد العقل!

وحتى فيكن تجربوا جاكوزي بنص التلج لما تتلج الدني بالمنطقة.

الرقم: 112 441 03

15. سكاي ناين

سكاي ناين مطرح مميز للعيلة أو الأصحاب. عندن تجربة تخييم، مطعم وحفلات شوي، سهرات نار، موسيقى حلوة.

وأحلى شي بيتون الخشب المهضومة والمكنكنة بالشتي! مع كباية كاكاو سخنة وقعدة جنب الصوبا وقعدة تحت الحرام، أديه حلو؟

الرقم: 999 126 76

16. أزوردي

مطرح بتلاقوا فيه البيوت الخشب المكنكنة والقعدة جنب الصوبا بوحدة من أروع المناطق التلجية بلبنان، اللقلوق.

الرقم: 868 888 76

17. Los Reyes

هالمطرح عبارة عن أوتيل مرتب، بيستقبلكن على قعدة من الخشب بتسفركن على جبال الألب.

بين المناظر الخلابة والقمم المكللة بالتلج، رح بتلاقوا تجارب مميز بهالأوتيل. أكل طيب، قعدة دافية، جلسة بالطبيعة، ملعب للولاد، ونشاطات ممتعة متل المشي بالطبيعة، الـ Hiking، وركوب الـ ATV، وغيرها.

الرقم: 104 310 79 – 004 801 81

18. Le Massif de Laqlouq

عبالكن نومة بقلب بيوت خشب دافية هيي وعم تتلج الدني؟

هالمطرح بيقدملكن جو رومانسي مميزة مع ليالي مليانة منظر التلوج، كاس نبيد، وجبنة الراكليت!

الرقم: 763 476 70

الزعرور

19. Peach Zaarour

هالبيت الضيافة الخاص عندو طابع مودرن وجو رومانسي بالزعرور، كتير خرج عطلة مع الحبيب هيي وعم تتلج الدني!

الرقم: 240 343 71

20. L’auberge de Zaarour

هالمطرح بيقدملكن بيوت خشب بقلب المناطق التلجية بلبنان بس بتحسسّكن كأنكن سفرتوا ع سويسرا، قاعدة بين الجبال العالية والطبيعة التلجية.

عندن جو دافي ورومانسي جنب الصوبا مع كل وسايل الراحة والرفاهية!

الرقم: 000 583 71

21. Le Grand Chalet

اللي عم يفتشوا ع مطرح مرتب جنب البحيرة الجليدية بالزعرور، كتير رح يعجبن هالشاليهات. عندن جو دافي وقاعدين بقلب الطبيعة التلجية وجنب مراكز التزلج والمطاعم المميزة.

الرقم: 300 310 04

22. Pres du Lac Zaarour

هالمطرح بالزعرور بيقدملكن شاليهات مميزة بحضن الطبيعة والجبال البيضا. عندو قعدة مكنكنة جنب الشاميني مع غرف مريحة ومطلة على هالمنظر الساحر.

الرقم: 777 256 81

23. Zaarour Urban Retreat

عبالكن قعدة بقلب كوخ خشب جنب الصوبا ومع إطلالة فوق الغيوم؟ لازم تحجزوا هالمحل لتقضوا عطلة من العمر بوحدة من أروع المناطق التلجية هالسنة. للحجز، تواصلوا مع Urban Retreat على الإنستغرام هون.

حدث الجبة

24. بيت الحارة، حدث الجبة

بيت الحارة عبارة عن بيت الضيعة اللبناني القديم، عمرو ٧٠ سنة ومليان دفى وكنكنة. هالبيت الزغير بياخدكن على الزمن الجميل، من غرف مزينة بصور صباح وفيروز ووديع الصافي. عندو قعدة غير شكل جنب الصوبا مع قعدة تقليدية ودافية. وحدث الجبة وحدة من المناطق التلجية بلبنان اللي ما فيها عجقة كتير وكلها رواق.

الرقم: 190 329 70

25. بيت جيران القمر، حدث الجبة

هالفيلا الحلوة قاعدة فوق الوادي مع إطلالة من الخيال. فيها كل وسايل الراحة والرفاهية هالشتوية. رح تستمتعوا بالهوا الشمالي، المنظر الخلاب، جو الضيعة، دفى الصوبا، والكنكنة مع أحبابكن.

الرقم: 975 593 03

26. Auberge El Hadath، حدث الجبة

هالمطرح كان عبارة عن بيت لبناني ساحر عمرو سنين، وصار بيت ضيافة مفتوح لكل زوار الضيعة. مكان رح بتحسوا فيه بجمال التراث اللبناني وكنكنة القعدة الجبلية.

الرقم: 008 422 03

إهدن

27. Ehd’inn BnB

بيت من الحجر عمرو أكتر من 100 سنة، بياخدكن على بيوت الجبل والقعدة الأصيلة. هالبيت الضيافة محافظ على تراثو وجمالو، وبيتميز بالقعدة البيتوتية اللي بيطلع عبالكن تكنكنوا فيه للصبح.

الرقم: 646 429 03

28. UŽÍT Cabins

عبالكن تقضوا كم ليلة بقلب الغابة؟ إمسكوا إيد حبيبكن وروحوا عند هالكابين بنص الطبيعة الإهدنية. رح تحسوا حالكن بعاد عن العالم، مغمورين بالشجر، وهلق لما تتلج الدني، المنظر والجو بيطلعوا بياخدوا العقل.

الرقم: 564 214 81

29. بيت كرز إهدن

بيت كرز إهدن واحد من أجمل بيوت الضيافة التراثية اللي على الدقة اللبنانية. المميز بهالبيت انو بقلب شوارع إهدن أروع المناطق التلجية بلبنان بالشمال، لتحسوا بنبض الحياة بالشمال وتشوفوا الناس الطيبة.

عندو ديكور تراثي واستثنائي بنفس الوقت، مشغول عليه بأزغر التفاصيل ليحسسكن بدفى البيت وجمال لبنان.

الرقم: 155 660 76

30. Maison Heritage

هالمطرح عبارة عن بيت ضيافة بياخدكن على جمال ونوستالجيا أيام زمان.

قعدتو البيتوتية بتذكركن ببيت التيتا بالجبل وبحسسكن بالدفى من القلب! بتحطوا ركوة القهوة على الصوبا، وبتتونسوا بالقعدة الشتوية.

الرقم: 603 350 76

31. The North Pod

ذا نورث بود عبارة عن بيت قبة مهضوم بموقع مميز بحضن الغابة، والحلو انو مغطى بالتلوج بعز الشتوية!

عندو جو رومانسي ورايق ليعيشكن جو حالم مع الشريك!

الرقم: 001 506 81

الأرز بشري

32. La Maison des Cedres

هالبيت قاعد بقلب الأرز ومحاوط بشجر الأرز وما في أجمل من القعدة في بس التلج يغطي كل شي. بس تجوا فيكن تقضوا نهار حلو وتناموا بقلب هالبيت الخشب وتروقوا أعصابكن وإنتو مدفايين. يعد هل بيت المكان مثالي للاستمتاع بالترويقة على البالكون أو التمشاية بالضيعة وزيارة القهاوي والكنايس الأثرية المجاورة ببشري.

الرقم: 414 888 71

33. Chalet de Charme

عبارة عن بيت خشب دافي ومكنكن مجهز بكل وسايل الراحة والتدفئة لتدللوا حالكن وكل شي في رح يخليكن تحسوا حالكن إنكن بحلم طايرين. أجمل شي منظر التلج من برا بس تفيقوا وإنتو قاعدين دفيانين جوا وعم تاكلوا أطيب الأكلات الشتوية والدني عم تتلج، شي رومانسي عالآخر.

الرقم: 523 841 78

34. Paradise Cedars

مشروع بيتألف من أكتر من شاليه خشب، غرف النوم واسعة ومرتبة كتير والشبابيك مكشوفين على المنظر الساحر للأرزات والقعدة على التراس الصبح بتفتح النفس. تخايلوا عم تناموا والتلج غامركن، ومنظر غرفتكن بطل على الأرزات والجمال حواليكن.

الرقم: 877 145 70

35. Hotel Alpine

عبارة عن أوتيل مميز قاعد بالأرز، الديكور في جبلي رح تحسوا حالكن بريف سيوسرا وأوض النوم مكنكنين ودافيين رح يذكروكن بدفا بيوت الضيعة. رح تلاقوا كمان قعدة تراس مميزة محاطة بشجر الأرز وبتكشف على الطبيعة.

الرقم: 877 145 70

36. Le Cedrus Hotel

بدكن تستمتعوا براحة وإسترخاء وجو جبلي؟ ما إلكن إلا هالأويتل المميز لي مش بس النومة عندو من العمر حتى الأكل والشرب من عالم تاني. من خلالو بتسافروا على سويسرا، وبتعيشوا أحلى إيام حياتكن وبتناموا نومة على أجمل منظر لبياض التلج.

الرقم: 777 413 70

37. Saint Michel Chalets

عم تحلموا برحلة جبلية عآخر الدني؟ سان ميشال بأجنحتو المميزة هوي المكان المثالي بدون شك، والغرف لي لإلو مكشوفة على أجمل المناظر وخصوصي وقت الشتا والبرد. هربوا لهونيك مع حدا كتير بتحبوا وعيشوا فترة رومانسية ساحرة مع التلجات.

الرقم: 881 889 70

الباروك

38. بيت أسترا

مطرح مكنكن وبيتوتي ناطركن بأحضان شجر الباروك العتيق.

إنبسطوا بأطيب ترويقة بين التلوج الناصعة عندن مع أصحابكن، العيلة، أو الحبيب.

الرقم: 525 912 70

39. بيت كايا

إستمتعوا بوقت حلو وعملوا ذكريات بقلب بيت دافي وهادي، مع قعدة جنب الشاميني وأكل طيب ومنظر خلاب للطبيعة الجبلية بالباروك.

الرقم: 621 060 81

40. فارم فيل الباروك

عيشوا جو الريف من قلب بيت المزرعة! أكواخ خشب وقعدة دافية وجو غير شكل للولاد بحضن الطبيعة.

مطرح مميز لتقضوا أحلى الأوقات وتنبسطوا بنشاطات زراعية مع ولادكن مع أكل بيتوتي طيب.

الرقم: 811 711 76

41. أوتيل شلالات الباروك

جو رومانسي ودافي ناطركن عند أوتيل شلالات الباروك! عندن مطعم بيقدم أكل لبناني بيشهي وفيو للطبيعة بتاخد العقل لتقضوا عطلة مع الشريك من العمر.

الرقم: 922 901 81

42. مون لايت فارم

قرية سنافر، ألعاب للولاد، أكواخ خشب دافية، وقعدة بربوع الباروك عند مون لايت فارم! وحتى عندن مزرعة للحيوانات الأليفة، يعني بيوت ضيافة شتوية ومناسبة لمشوار مع العيلة والولاد وجو حلو وممتع.

الرقم: 339 133 71 – 339 133 81

43. داشا

بيت جبلي من الحجر القديم بيستقبلكن على قعدة جنب الشاميني مع كاس نبيد وسفرة شهية، استمتعوا بوقت رومانسي بين التلوج وجمال الشتوية.

الرقم: 612 796 71

44. جنينة ياسمينة

مكان بياخدكن على عالمكن الخاص بالطبيعة، من الجنينات الحلوة والقعدات الدافية وبيت الحجر المكنكن!

الرقم: 505 255 70

ميروبا، كسروان

45. وود هيلز

رح بتلاقوا السعادة والراحة من قلب بيوت خشب مكنكنة ودافية عند وود هيلز. مكان بيقدم تجربة منتجع بأحضان الطبيعة الجبلية بميروبا. عندو أجمل مناظر للجبل وترويقة الصبح على رواق.

من أجمل بيوت الضيافة بميروبا اللي لازم تزوروها مع الشريك أول ما تتلج الدني!

الرقم: 786 177 76

46. غرين فوريست

غرين فوريست بيقدملكن القعدة المريحة وأيام ممتعة للعيلة والولاد. عندن بيوت خشب كبيرة بتناسب الجمعات، حفلات شوي، قعدة جنب الشاميني، ومساحات ليسرحوا فيها الولاد بالطبيعة.

الرقم: 542 846 71 – 751 322 29

47. Villers

حلو بين كل فترة والتانية ناخد عطلة بأحضان الطبيعة، وهالمكان بيقدملكن هالقعدة وأكتر بميروبا.

بتسهروا جنب النار، بتكتشفوا الطبيعة، وبتلعبوا بالتلوج، وبتقضوا ليالي من العمر!

الرقم: 555 500 70 – 000 311 76

48. كايم

بيت ضيافة من الخيال ناطركن بالغابة بميروبا، واحد من أجمل المطارح بلبنان للعشاق!

بتلاقوا الجو المرتب وقعدة شاميني بفيلا بين الصخور، القعدات المفتوحة على الجبال، البانيو بغرفة النوم، والجو الرومانسي المكنكن للشتوية. ولما تتلج الدني، الكنكنة والمنظر على أروع!

الرقم: 494 649 81

Via @guide.lb

جبل صنين

49. Grand Hotel Bois de Boulogne، مروج المتن

هالأوتيل بيتميز بطابع كلاسيكي وجبلي. عدا عن الغرف المريحة والمرتبة بتلاقوا مطعم بيقدم عشوات دافية وليالي راكليت، قعدة جنب الشاميني، وبوفيهات نهار الأحد. مطرح مميز لتقضوا شهر العسل خصوصي بأجوائه الرومانسية والمكنكنة، موقعو جنب جبل صنين وبين التلوج!

الرقم: 101 295 04

50. Sannine Heights، طريق زحلة – صنين

مطرح مميز لتحجزوا كم يوم بقلب شاليهات على سفوح جبل صنين! ولما تتلج الدني، المنطقة كلها بتنغمر بالبياض. هالمكان مناسب للعيلة، أو جمعات الرفقة، أو حتى عطلة رومانسية بالجبل.

الرقم: 056 059 03

51. Moonlodge، طريق زعرور- صنين

تخايلوا تفيقوا الصبحيات على منظر جبل صنين المكلل بالتلج؟ لتعيشوا هالتجربة الحلوة ميلوا على بيوت الضيافة مون لودج اللي بتقدم قعدة مكنكنة وجو جبلي! والحلو انو قريب من مركز التزلج بالزعرور ليكمل مشواركن للشتوية.

الرقم: 222 777 81

52. La Moontagne، بسكنتا – صنين

هالبيت الدافي بيتميز بجو الرواق والقعدة المريحة ببسكنتا جارة صنين.

قاعد جنب بحيرة جليدية ودغري بيطل على سفوح جبل صنين!

الرقم: 498 405 70 – 582 392 03

53. Odom Retreat – قناة باكيش، بسكنتا

إذا عبالكن عطلة رومانسية بقلب الطبيعة بعيد عن العالم، لازم تجربوا بيوت القبة عند Odom Retreat. بيقدمولكن قعدة فاخرة ودافية بنص الجبل، و جو حميمي على الآخر مع كامل الخدمات ووسايل الرفاهية والراحة.

ولما تتلج الدني، هالبيوت رح تاخدكن على عالم من الخيال مع حبيبكن!

الرقم: 092 992 76

Image by guidelb

العاقورة

54. Paradise Guesthouse

هالمكان عبارة عن فيلا من حجر مع كوخ من الخشب، جاهز يستقبلكن على قعدات مكنكنة ودافية بأحضان العاقورة. مساحة هالمطرح واسعة بتسمحلكن تعملوا مناسبات الخاصة فيه، والحلو انو بتطل على جبال المنطقة.

ولما تتلج الدني، القعدة والمنظر والجو عنجد من وحي الخيال أد ما حلو! بتحسوا حالكن عم تقضوا عطلة بجبال الألب الأوروبية. مكان ساحر لتعيشوا فيه لحظات ما بتنتسى مع العيلة أو الشريك.

الرقم: 467 536 76

55. جرود العاقورة

إستمتعوا بأجمل مناظر العاقورة من قلب هالبيوت الجبلية المكنكنة. بيوت من الحجر، ورد ملون، قعدة دفى بالشتوية، ومسبح بيطل على الجبال بالصيفية.

عندن قعدة جنينة حلوة وبيعملوا جولات سياحية ونشاطات حماسية بالمنطقة.مكان بتلاقوا فيه الراحة النفسية والرواق بأحضان الطبيعة الجبلية، عندن قعدة عنجد بين الغيوم أبداً ما بتتفوت بكل مواسم السنة.

الرقم: 665 375 70

Via @guide.me.lebanon

56. La Datcha

بيت القرميد الأحمر بالجبل ناطركن بالعاقورة! جو ريفي وقعدة تراثية تحت القناطر وليالي دافية جنب الشاميني. مطرح ضروري تزوروا مع الشريك لمشوار رومانسي، والديكور كلاسيكي ومرتب.

البيت مغمور ببياض التلج بالشتوية وبيطل على أجمل المناظر الجبلية. عندو قعدة بلكون بترد الروح بتسرحوا فيها بنهار متلج وهادي!

الرقم: 438 294 03

تنورين

57. بيت عليا

كوخ خشب زغير ومهضوم، محاوط بالأرز المعمّر وبيطل على وادي تنورين العظيم. أول ما تدخلوا عليه رح تحسوا بالكنكنة والأجواء الجبلية.

مطرح معزول عن العالم ومناسب للعشاق والأجواء الرومانسية، بتلاقوا فيه الدفى والسكينة مع غمرة حبيبكن بالشتوية.

الرقم: 107 708 70

58. The River Guesthouse

تخايلوا حالكن قاعدين بقلب بانيو ميّ دافية، مع كاس نبيد، ومنظر مفتوح على جمال غابات تنورين. هالجو الخيالي وأكتر ناطركن عند بيت النهر بتنورين. بتقضوا كم يوم بقلب هالبيت، بتكتشفوا الطبيعة، وبتعيشوا أجمل أجواء دافية وتجربة حلوة هالموسم.

الرقم: 923 522 81

59. نيو تنورين

نيو تنورين عبارة عن بيت ضيافة بيقدملكن تجربة الرفاهية والراحة بحضن الطبيعة.

رح بتلاقوا السعادة بقلب بيت زغير ومكنكن مع فيو مفتوحة على جمال الشتوية.

الرقم: 099 399 70

60. كاسا دي سلطان

هالبيت الفاخر بياخدكن على بيت الأحلام، مطرح بتلاقوا فيه كل وسايل الراحة والرفاهية والرخاء، من القعدة الفخمة، للديكور اللي بيحسسكن كأنكن على جزيرة، والخدمات المميزة متل المساج وحتى موقعو الخيالي فوق وادي تنورين. كاسا دي سلطان يعتبر من المطارح الفاخرة بلبنان، وبيناسب العشاق اللي حابين يقضوا شهر عسل من دون ما يتكلفوا كتير بالسفر.

الرقم: 559 884 03

61. إتوس كريب

مطرح بيتوتي من أعالي تنورين، بيتميز بالجنينات الحلوة، المناظر الطبيعية، القعدة الشرحة، والجو الدافي بالشتوية. كتير مميز لجمعة أصحاب أو عيلة كبيرة!