خمسة من جزر طرابلس برحلة وحدة هالويك-إند، شوفوا هون

شو رأيكن تهربوا ع شي جزيرة هالويك-إند؟ هالجمعة 21 آب، فيكن تعيشوا تجربة صيفية روعة مع Sunset Cruise بطرابلس، وتعملوا جولة بين 5 من جزر طرابلس، مع سباحة، موسيقى، بحر مفتوح وغروب بيكمّل المشهد.

الرحلة بتنطلق من المينا – طرابلس الساعة 4 المسا، ومن هونيك بتبلّش المغامرة. رح تبحروا بين جزر طرابلس والمينا، وتستمتعوا بالمناظر الساحلية والمي الهادية والهوا، بعيد عن العجقة.

الرحلة مش بس كروز! رح يكون في وقفة للسباحة بالبحر، يعني حضّروا حالكن لتنزلوا ع المي، تبوردوا، تسبحوا شوي وترجعوا تكفّوا الجولة والقعدة ع القارب.

ومع الموسيقى، الرفقة الحلوة وأجواء الصيف، كم ساعة ع البحر رح تكون كفيلة تغيّرلكن مزاجكن بالكامل. وبآخر النهار، رح تكمّلوا الإبحار لحد ما توصلوا لوحدة من أحلى لحظات الرحلة: الغروب فوق البحر.

الرجعة متوقعة حوالي الساعة 8 المسا، والمسار ممكن يتغيّر بحسب الطقس. المشاركة بس 15$ للشخص. للحجز، الدفع بيكون عبر Whish Money على الرقم 550 351 81. وما تنسوا تابعوا حساب Walkaway ع انستغرام هون.

جيبوا معكن تياب البحر والمنشفة، واقي الشمس، النظارات الشمسية، طاقية وسناكات. وما تنسوا الكاميرا، لأنو أكيد رح يكون في كتير لحظات بتستاهل صورة!

بحر، جزر، سباحة، موسيقى وغروب… كلّن برحلة وحدة. شو ناطرين؟

شوفوا كمان:

البحر إلكن لحالكن وبس ب 10$ عند هالجوهرة بالشمال!