٧ مطارح بالجبل مع نشاطات بالطبيعة للشتوية

عبالكن تغيروا جو هالشتوية؟ لكل محبي النشاطات الخارجية بقلب الطبيعة الجبلية، لقينالكن مطارح كتير رح تعجبكن. مشوا معنا على ٧ مطارح جبلية مع نشاطات بالطبيعة للشتوية.

1. وود هيلز، ميروبا

الأنشطة عند وود هيلز بتتنوع حسب الموسم، ولأنو صار الجو بارد، ممكن تستمتعوا بمغامرات شتوية حماسية عندن. جهزوا خيمتكن لتجربة التخييم وسهرة نار، أو اكتشفوا درب المشي الروعة بميروبا واستمتعوا بالمناظر الخلابة. وإذا كان في تلج، بتقدروا تتزلجوا وتلعبوا بالتلوج بالمراكز القريبة.

الرقم: 786 177 76

2. أرصون فيلدج، المتن

أرصون فيلدج بيقدم دروب مشي ونشاطات حماسية للعيلة كلها و بتناسب كل الأعمار مع أولوية لكل معايير السلامة. لمحبي المغامرة والحماس، بتلاقوا نشاطات مميزة لتعملوا أجمل الذكريات وملاعب كبيرة للولاد يسرحوا ويمرحوا على راحتن. فيكن تجربوا ألعاب التسلق على الشجر، وألعاب الحبل متل ال Free fall أو تجربوا ال Zipline ، وقصص كتير بتتعلموها بدورات مع مدربين محترفين بالمنطقة.

الرقم: 111 228 71 – 111 226 71

3. بيت الغابة، بكاسين

عشاق الطبيعة رح يقدروا ينبسطوا ويتمتعوا بجمال الطبيعة مع نشاط ركوب البيسكلات بغابة بكاسين، وإذا عبالكن نشاط رايق أكتر، فيكن تشاركوا بدروس اليوغا والتأمل بالهوا الطلق.

الرقم: 222 800 07

4. لا ريزرڤ دي أفقا, أفقا

لتجربة تخييم حماسية، لا ريزرف ديه أفقا بيقدملكن مجموعة من الأنشطة لهواة المغامرة. الرماية، التنزه، تسلق الجبال، واستكشاف الكهوف – هالمكان حلم لكل محبي المغامرة! مننصحكن تروحوا مع مجموعة كبيرة لتكون التجربة أحلى!

الرقم: 442 322 79

5 هيلهوت فيلدج ، خنشارة

مطرح تاني مميز للعيلة، إهربوا من العجقة لعندن وجربوا متنزه وملعب للولاد، ترامبولين، قفز بونجي، المشي بالهوا، وأكتر بكتير. Hillhout فيلدج كمان بيقدموا مساحة لمناسباتكن الخاصة متل أعياد العيد الميلاد والجمعات العائلية.

الرقم: 711 757 70

6. Nomads Nature and Nurture, سرجبال

هالمطرح متخصص بالنشاطات العلاجية والروحية بالطبيعة، لأنو خدماتن بتشمل جلسات اليوغا، رحلات المشي الهادية، سهرات النار، ،كمان السونا. اللي عم بيدوروا على فرصة بتقربن من الطبيعة بنشاطات علاجية، هيدا المكان اللي لازم تجربوا.

الرقم: 709 370 76

7. الرانشو فيلدج, غدراس

El Rancho Village بيقدم أماكن لتخييم دافية وجاهزة للشتوية حتى بعز البرد. وحتى فيكن تستمتعوا بوقتكن الكامل بالمزرعة. عدا عن الرياضات الحماسية وألعاب القوة، كمان بتلاقوا تجربة ركوب الخيل.

الرقم: 268 999 71

خبرونا، أي نشاطات بالطبيعة للشتوية رح بتجربوها؟

شوفوا كمان، بتحبوا بيوت القبة؟ لقينالكن ١٢ بيت قبة بقعدة شتوية بلبنان